يالليل وين اللي معي أمس سمار
أبنشدك يالليل وأحتاج ردك
شف لعبة الدنيا ودورات الاقدار
كيف أحرمتني من عضيدي وندك
البارحه كنا سوا بألف مشوار
واليوم كلن ناشدي ويش هدك
أقول فرقى من الله أختار
يامن تشوف الحزن بالعين شدك
روح وانا دمعي دوفقن ومدرار
وصار المصبر قول ماهو بيدك
يارب ياعالم خفيات الاسرار
جاك الرفيق وصار يارب عندك
يارب في الجنه ويحرم على النار
الصاحب اللي جاك يطلبك ودك
وياعين ياعين الشقا صار ماصار
وإلا الحزن باقي على طول مدك