وجدي على اللي يشوق القلب لا نطه
الموتر اللي تشدك لمعة اجنوطه
بنزن يدل الغرام ودارسن خطه
ادق سلفه واسري النفس مبسوطه
كم من مويتير إذا حان الجكر قطه
مكينته من بلاد الغرب مشروطه
أنحر به أديار منهو لا لفا خطه
كتبت له من حروف الوجد مخطوطه
غرون غلاه بخفوقي خالقي حطه
وإلا غلاتي بقلب الزين محطوطه
ياحلو تمر الغرام وبره واقطه
لاصار بيد ابدوي التحنان مقلوطه
لامن تهادا حمامه في جسم بطه
وتطربني احجول عهدن فيه مربوطه
لاقلت له ياوليفي دروبكم ورطه
يقول ارحب هلابك ياابن بطوطه
من حب بنت البدو ماتعوقه النفطه
لوكلها اقدام رجله أتبيت منفوطه