بالبدايه عرفينا عن نفسك .؟
انا امراءة لااشبه غيري من النساء كون كل انسان له شخصيته عمري 27سنه احب اتعلم كل شي جديد عندي بنتين هم
لي كل الامل في الدنيا بنتي الكبيره تشبهني في تصرفاتي ومزاجي كثير وبنتي الصغيره للحين مابين شي
احاول اوفق بين وقتي في شغلي وبيتي لان بناتي مالهم غيري في ظل انفصالي عن والدهم وتخليه عنهم اصبحت للان فنية اشعه واطمح بالمزيد من خلال تكملتي لدراستي في
الطب البشري اجتماعيه لدرجه كبيره بس احيانا الوقت مايسعفني اكون عصبيه في بعض الاوقات وحساسه لدرجة قاتله
احب التسوق واكثر زياراتي لاماكن مستحضرات التجميل والعنايه بالجسم وراح اكتفي لهنا لاني ماراح اخلص انشاء الله وصلت فكره بسيطه عن غزوله
طفولة حواء❤.,.
طفولتي كنت شقية لدرجة ماتتخيلوها كنت هذره حبتين
احب اعرف كل شي ومااجلس بمكاني دقيقه وللمعلوميه امي دايما تقول محد جنني غيرك الى الان لو عقلتي بنتك راح تعقل
ذوقي شوي من اللي عانيته
اوصفي طفولتك كيف كانت..؟!
طفولتي كانت رائعه يكفي ان في طفولتي كان ابوي الله يرحمه قدام عيني
لوذكرت تفاصيل طفولتي راح اخذ صفحات بس اكتفي بكلمة رائعه بكل ماتحمله
من تفاصيل
بطفولتك.. متى تبكين..؟
بطفولتي مااذكر اني بكيت لوحدي الامره وحده
كان عندنا مربيه كبرنا وهي قدام عينا الين صار عمري تقريبا 9او 10 سنوات
ومرضت جاها فشل كلوي واصرت انها تكمل علاجها في ديرتها يومها بكيت في الغرفه وكانت اول مره ابكي فيها لوحدي
وللان محد يعرف بموضوع البكاء فهذا سر افصح عنه لاول مره في المنتدى لانكم تستاهلون
ومتى تفرحين...؟
افرح لمن اشوف امي بخير وفرحانه قدامي
و لمن اشوف الناس اللي اعزهم بخير وفرحانين حتى لو كنت حزينه
شخصيه كرتونيه كنتٍ تحبينها..؟!
ليدي والانسه صفاء في افلام كرتون لحن الحياه كانت مربيه
موقف حصل بطفولتك ومانسيتيه..؟!
بذكر لك موقفين هي الى الان مانسيتهم
اول موقف كنا مره طالعين الملاهي حنا وخوات امي وعيالهم طبعا زحمة عيال وكبار كنا واقفين عند الملاهي فجاءه التفت محد قدامي قلت في بالي ووين راحو وين الاقيهم الحين والله ياغزوله انك ضعتي وانا فاهيه هم قالوا يلاه للمطعم بس انا كنت شقيه مااسمع الكلامتلفت يمين يسار محد حولي جلست ابكي واخرشي خطرت في بالي فكره اني اروح يم السياره حقتنا في المواقف اكيد بيجون ووقفت عند السياره وانا ميته من الخوف وقدني تقطعت من كثر البكي اخر شي شكل اهلي تعبوا وهم يدورون جوا طالعين رايحين يبلغون الشرطه الا انا قدامهم امي تهاوشني من جهه وابوي من جهه المهم عدى الموضوع على خير وماضعت
الموقف الثاني حصل لي في شاطى نصف القمر كنت في الملاهي راكبه لعبة التوازن اللي كل واحد يركب في جهه
كنت فوق لاني خفيفه فوق اعلى شي واخوي تحت شوي جت سيارة الايس كريم وينزل اخوي ويخلني اطيح واتشقلب من فوق الين تحت مدري ايش صار اذكر اني طرت وصحيت في المستشفى اكيد طيران كان فاشل
صديقات الطفولة .. هل لهن مكان في حياتك الان ..؟
بصراحه كان لي صديقات كثير واتمنى الايام ترجع والتقي فيهم
لان صديقات الطفوله ايامنا ماكان في تواصل نفس الحين
صديقاآت حَوآآآءِ❤..
هل وجدتِ الصديقه التي تفهمكـِ..؟ إذا نعم كم عمر صداقتكم..؟!
نعم وجدت واعتبرها اخت موصديقه عمر صداقتنا 7سنوات
كم عدد صديقاتك المقربين لديك..؟!
هم عديدات بس المقربات 2
صفه جميله في صديقتك..؟!
صفات كثيره بس الجميل صدقهاوصراحتها وكمان فرفوشه
هل تأمنين صديقتك على اسرارك الخاصه..؟
ايه امنها لانها هي تامني حتى في ادق تفاصيلها الخاصه
من صديقتك المقربه اليك بلمنتدى
اعتبرهم كلهم صديقات لي
بس المقربات كانت السموة
وحاليا خزامى /قلب الوفاء
وعلى راسي البقيه لايهنون
مع ان اتمنى الجميع يكونون صديقاتي المقربات
وماذا تعني لكي؟؟
كانت تعني لي اكثر من اخت وكانت الناصحه لي
عالم حواء الخاص ..(غرفتك)
تسريحة حواء❤..,
ماهي مستحضراات التجميل التي تعتمدين عليها لتكمل جمالك كحواء..؟
كريم اولي
لوشن
اولاي بالتوت البري
وجلسيوليد باليمون
وماء ورد
هل تجيدين عمل الميك آب لنفسك في المناسبات الكبيره..؟!
عندي دورة تجميل اجيد عمل الميك اب لنفسي بس احبه خفيف
هل تتبعين الموضه بكل حالاتها سواء مناسبه او غير مناسبه..؟
لااتبع ذوقي لان مزاجي صعب ومو اي شي يقنعني
عطر ماتستغني عنه\
عطر شيخه يجيني طلبيه من الامارات صار اغلب صديقاتي يعرفوني اني قريبه منهم لان ريحته مميزة وتثبت ومره ريحته ناعمه
سرير حواء❤..,
اشياء تفعليها قبل النوم ..؟!
اخذ شور افرش اسناني
واحط كريم واقرا الاذكار واقعد شويات عالجوال والنت
هل تقفين امام المراة بعد الاستيقاظ من النوم..؟!
ايه لان يقولون وجه وملامح الانسان الطبيعيه هي اللي عندما يستيقظ من النوم فانا اتفقد ملامحي الطبيعيه
ماذا يوجد عند طاولة سريرك..؟!
قران واباجوره والشاحن وفواحه
هل تحبين الدلع دبوب وحركات؟؟على سريرك..
لا مااحبهم حتى الدباديب حق بنتي اخبيهم في الكبت حق غرفتها قبل لاانام تجيني وسوايس
اعماق حواء❤..,
لنختبئ قليلا خلف الاسوار ماالذي يربكك التفكير فيه ..؟!
مستقبلي ومستقبل بناتي
عندما تنظرين الى المستقبل البعيد كيف ترين نفسك..؟
صبوره ومتوكله على الله ومن توكل عليه ماخاب
ماهو أصعب إحساس واجهتيه في حياتك ؟
كثيره المواقف الصعبه ولكن اصعبها موت والدي امام عيني وعلى صدري
متى تخفين دموعك..؟!
دائما
كيف هو الشعور حين تكونين حبيسة المنزل..؟!
ماعمري احسست بها الشعور اني حبيسه بالعكس في
امور كثير نسويها بس نكون جالسين في المنزل
يكفي النت ياخذك للخارج
يقال ان حواء كتاب مفتوح ماهو تفسيرك لما يقال..؟
بالعكس حواء غامضه امام الكل الا لمن يفهمها او يحس فيها
اذكري لنا حاجه في غرفتك❤.,,.
ماتستغنين عنهاآ ~
الشاحن /اللاب توب /المكيف /الجوال/
الفواحه عشقي لاني احس باريحيه مع زهور اللافندر
تكرهينهاآ ~
مااحب الازعاج بغرفتي /والمكيف لمن يكون بارد /والاضاءه العاليه
تحبينها ~
احب خصوصيتي في غرفتي
رتبي الكلمات حسب الاهميه❤..
الميك آب - العطوووور- التلفون(الجواال) - الابتساامه- الأناقه- اللابتوب
الابتسامه تجعلنا انيقين (الابتسامه)
الاناقه تحتاج الى رائحه عطره (العطر)
والمظهر الانيق والرائحه العطره تجعلنا متواصلين عبر (الجوال)
والتواصل عبر الجوال يوصلنا لتواصل عدة عبر(اللاب توب)
واللاب توب قد يجعلنا نشكل صداقات وروؤية الناس لذلك لابد من(الميك اب)
\
مطبخ حواء ❤..,.
هل تجيدين الطبخ..؟! (اذا لآ .. متى ناويه تعرفين)..؟!
اكيد اجيد
ماهو اكثر طبق تجيدين عمله..؟!
اشياء كثيره الحمدلله اشاهد رضى الجميع في كل طبخي
وأول طبق عملتيه
مااذكر
مارأيك في هذه المقولة "اقرب طريق الي قلب الرجل معدته " ..؟!
اؤيد المقوله بس مو100%
نصيحة او كلمه توجهينها لحواء..؟
كوني على طبيعتك وتهني بكل لحظه من حياتك وعليك بالاذكار وحصني نفسك واطفالك فعيون الناس لاترحم
واخيرا اشكر الاخت نور الدنيا على استضافتها لي وان شاء الله اكون وفقت في الاجابات ووصلت لكم معلومات بسيطه عن غزوله فان اصبت فمن الله وان اخطأت فمن نفسي ومن الشيطان
واشكرك لقبول الدعوه
✿
✿
✿
رد مع اقتباس