اطرح قضيتك هنا وباذن لله سوف تجدمن يحلها لك,,.؟

[البحري.]

السلام عليكم ورحمه الله وبركاته

قضيتي هـــــــــــــي ...
صحيت لصلاه الفجر وبعد الصلاه جلست فى المسجد حتى طلوع الشمس وبعدها توجهت للبوفيه واخذتلى كوب حليب واثناء جلوسي اتصل عليه احد الزملاء وقالى رايح يمر عليه بعد عشر دقائق لشى خاص فى العمل .. وبما انه سكنى فى شارع باتجاه واحد لم يتمكن زميلي بدخول فيه الا عند طريق بعيد ويبغاله نص ساعه .. فقلت خليك عند كبرى البطحاء وانا اجيك الان المهم اتجهت للكبرى واختصرت الطريق على الاقدام من داخل سوق المرقب اللى يعرف الرياض اكيد رايح يعرف المرقب ..المهم وانا داخل السوق سمعت اصوات مشاجره وكان السوق فاضي ولايوجد محل مفتوح وقتها ومظلم ,, نظرت علي يمينى وجدت شخصين ماسكين طفل لا يتعدي عمره 12 سنه وجالس واحد منهم يصفخ فى هذا الولد قلت فى نفسي اكيد هذا ولدهم وشارد من المدرسه مايبغا يداوم .. فواحد قام ولطم الولد على وجهه .. قلت يااخي حرام عليك تضربه على وجهه الرسول انهي عن الضرب فى الوجه ..جانى مسرع وقلت فى نفسى الان يلطمنى .. قالى وانت وش دخلك فى عملنا .. قلت عملكم ,, وش عملكم .. قالى معك الهيئه . وهذا مسكناه وهو يغازل .. كان اقولهم يغازل ياخى هذا طفل .. والله ياخوانى وماحلفتوني لو احدا منكم شافه لايمكن ان دخل فى نفسه الغيره لو شافه مع احد محارمه والله طفل قسم بالله طفل .. المهم قلت يغازل فى هذا الصباح مافيه ولامحل مفتوح ويمكن حركت الاستهزاء بهم هى التى كبرت الموضوع .. لانى قمت بحركه كمديه وفيها نوع من الاستهزاء بنظراتى للسوق والمحلات ونظراتى للمبات .كان اقولهم وين الحريم اللى غازلهم هذا الورع فى هذا الصباح المحلات مقفله ولايوجد غيرنا هنا .. فكنت اقولهم اتقو الله فى انفسكم والله رايح تسألون عن هذا الشي .. جانى واحد منهم وقالى اعطنى اثباتك قلت اولا اعطنى اثباتك انت علشان اعرف اانك صادق من الهيئه ولالا ..قالى تحلم اعطيك الاثبات . رديت عليه وقلت وانت لو تطلع نخله فى راسك وتكون مثمره من بلح ورطب ما تشوف اثباتي .. ومشيت من عندهم لان خويى حرق جوالى وانا ماشى جانى واحد الله لايوفقه وربى انه ظالم وحرام انه يمثل رجل الهيئه .. المهم جانى ومسك بيدى بقووه وسحبنى عليه ويبغا يدخل يده فى جيبى علشان ياخذ المحفظه مسكت يده ولويتها وقلت لو منك مائه وربى ماتخذها الا على جثتى ..ودفيته .. والله انى اتهرب منه ما ابغاا احتك فيه .. المهم خويه الثاني اتصل على المسؤل حقهم وجانى وقالى المدير يبغا يكلمك قلت هاته .. اخذت الجوال وجالس اتكلم معه قلت اكيد مادامت مدير فعقله اكبر وافهم .. علمته بلى صار وقالى طيب تعال القسم وفهمنى والله رايح اخذلك الحق .. قلت ابشر رايح اجيك ..ولحقت على زميلى وبعدها اتجهت لقسم الهيئه .. دخلت على المدير .. السلام عليكم .. ما رد السلام .. كان جالس يكتب .. كرر السلام مره ثانيه بس بصوت اعلا قلت يمكن اصنج ما يسمع .. رفع راسه وقالى هلا .؟ شويه واللى حصلتهم فى السوق داخلين المكتب وقالهم هذا هو قالو نعم ..على طول قالى المدير حب راسهم واعتذر منهم ..برضه سويت حركه منفرزه نظرت يمين ويسار وقلت تقصدنى انا اسلم على روسهم قال نعم حب على روسهم .. قلت والله لو اعرف بانى غلط فى حق واحد منهم ورب الكون لا احب على روسهم وعلى اياديهم .. لاكن ياشيخ انا ماغلط هم اللى غلطو عليه وهذا اللى يبغا يضارب ويبغا ياخذ اثباتى منى غصب ,, لاكن انت حتى الان ما سمعت منى القصه كامله .. قال لا خلاص عرفتها .. لو سمحت اجلس خارج المكتب شوويه قلت طيب ..بعد حوالى نص ساعه ناداني المدير الشيخ .. قالى اخر مره اقوولك اعتذر منهم وحب روسهم .. قلت لو حبيت روسهم يعتبر هم الفائزين وانا المذنب يااشيخ واذا ما حبيت روسهم وش رايح يصير فينى .قال تعرف الان ..قالهم يالله خذوه وودوه الشرطه .. قلت وليش وش الذنب اللى ارتكبته قال اقوول بره لو سمحت .. وفعلا حولو القضيه للشرطه وبعدها وصلنا الشرطه وانا واثق من نفسى مارايح اجلس ولا حتى 5 دقائق فيها .. كنت جالس فى الصاله وبعدها نادي عليه ضابط خفر بعدما راحو الهيئه قال للعسكرى دخلووه التوقيف . قلت لضابط خفر باى حق تدخلوني وش الذنب اللى ارتكبته استحق التوقيف عليه .. قال المحضر اللى كتبوه فيه الهيئه كبير .. قلت وش كاتبين .قالى اولا انت قول وش صار بينكم .. علمته بكل تفاصيل .. كان يقولى يااخى وليش ما حبيت حتى رجولهم ..تتوقع وش كاتبين فيك .. قال بانك متهجم على رجال الهيئه وتدخلت فى عملهم وجمهرت عليهم الناس اثناء عملهم ورفعت صوتك عليهم .. وقمت بالدعاء عليهم وباتهامك بظلمهم لك ؟؟ على طول قلت للضابط متى تفتح المحلات حوالى الساعه 8 او9 صح قال صح قلت الحادثه وقعت مابين 6 الى 7 كيف بالله جمهرت عليهم الناس ومافيه احد كان الا نحن الثلاثه والرابع الطفل ؟ قالى ووين الطفل قلت اطلقوه .. . المهم دخلت التوقيف واتصلت على زملائي وجوني 6 اشخاص يبغون يكفلوني رفض الضابط حتى يحولونى للمدعي العام.. يعنى القضيه كبرت وصرت مجرم خطير .. والله يا اخواني لاول مره ادخل فيها توقيف .. قسم بالله قضيت 24ساعه كانها 24 سنه اليوم الثاني ارسلونى للمدعي العام وقلت اكيد رايح يطلع فيه خير ويفكنى من هذا المصيبه .. قابلت المدعي العام وشرحت له القصه كامله واقسم على كتاب لله بانها هى الحقيقه وان اللى اتهموني فيه كله كذب ولايوجدله من الصحه ,, قال خلاص اطلقك بكفاله وبكره تجيب لى ورقه تنازل من الهيئه علشان اقفل القضيه ..قلت انت طلعنى ويكون خير .. المهم طلعت بكفاله ,, ورحت على طول اقدم شكوى ضدهم وباقى ما توصلت لنتيجه الشكوى .. فانا فى قراراه نفسى لايمكن اروح قسم الهيئه واطلب منهم تنازل لو يشنقونى على هذا .. والقضيه مازالت معلقه ؟؟ فما رايكم ومن لديه نصيحه فل يتفضل مشكورا..

انتظر نصائحكم