المشاركة الأصلية كتبت بواسطة أسامة مصلح
البحار الكبير .. السلام عليكم
كلامك فيه شيء من الصحة .. وبرأيي هو من شقين:
الشق الأول أن السوق بالسعودية سوق ضخمة وتعتمد على اقتصاد المملكة القوي المدعم بالنفط
الشريان الرئيسي للطاقة بالعالم وفيه امكانيات مكاسب كبيرة إذا ما كانت هناك فيه مراقبة و تنظيم للسوق وشفافية.
الشق الثاني أن كبار الهوامير في الحقيقة إستفادوا من السوق لسببين الأول هو ضعف الرقابة و قلة العقاب والسبب الثاني هو صغار المستثمرين أنفسهم اللي هم جزء كبير من المشكلة لإفتقارهم لخبرة التعامل في السوق والمضاربة واعتماد المجتمع السعودي ككل على الشائعات في أغلب قراراته.
الهامور لما يكون شايف السوق فيه ضخ أموال كثيرة ويقدر ياخذها لجهل صغار المستثمرين و سكوت جهات الرقابة المالية عنه ماراح يقول لا ولو يكون حصوله على هالمبالغ بطرق غير مشروعة.
الإستثمار بالسعودية يا عقار أو أسهم وكل واحد من الإثنين غالبا له دورة من خمس سنوات وكل واحد من الإثنين يستلم الدور من الثاني .
يوم يوصل العقار لمبالغ خيالية يرجعو الناس للأسهم و يوم يطيح سوق الأسهم يرجعو الناس للعقار وهكذا دواليك.
ماعندنا قنوات إستثمار منوعة وبيروقراطية وروتين الإستثمار الداخلي للمواطنين فيه من العيوب التنظيمية مايندا لها الجبين .
وبالمقابل الإستثمار الأجنبي له كل التسهيلات وبرضو ماجانا ولا مستثمر أجنبي .
لاهم خلوا إبن البلد يستثمر وبتسهيلات وأمور منظمة ولاهم اللي قدروا يجذبوا استثمارات أجنبية إلا بتحالفات مع رجال أعمال سعوديين وقليلة هالتحالفات جدا.
اللي يستلم راتبه أخي البحار نهاية الشهر لو بقى منه شيء يفتح له حساب ثاني ويدخر أحسن من هالأسهم كرأي شخصي.
شكرا لموضوعك وربي يوفقك وأتمنى أكون أفدت بشيء بسيط فيم طرحته.
رد مع اقتباس