سبرنق رول مقلي بدون زيت ... على كيف الكيف ..

[قلب الوفا]

سبرنق رول مقلي بدون زيت والسر بالخلطه السريه
طريقة سبرنق مقلي و مقرمش ولذيذ ومافيه ولا نقطة زيت والسر بهالخلطه



ومقاديره
مويه وطحين ابيض تخلطين المقدار الي تبين حتى يكون عندك قوام مثل قوام حليب النستله او اخف تدهنين به شريحة السبرنق دهن خفيف مره مره علشان مايصير ثقيل
عاد نبدا بطريقة الحشوه وهي تقطعي بطاطس مربعات



ثمن تحطينه بقدر او مقلاة تصبين عليه مقدار كاستين شاهي مويه وتحطينه على النار حتى تنضج ثمن تضيفين له مكعب ماجي وفلفل اسواد



ثمن تقطع بصل مربعات



ضروري ماتقطعينه بالقطاعه علشان مايطلع مويه ولا يصير له نكهه قويه
ثمن تحمسينه حتى يذبل وتقطعين بقدونس وتضيفينه للبصل حتى يذبل شوي بس




وبعدين تضيفينه للبطاطس وتحركينه على النار شوي وتطفينه وتبشرين عليه جبن شيدر وبس خلصنا من الحشوه وهاذي هي جاهزه




عاد نبدا نحشي السبرنق ونلفه
نجيب شريحه وندهنه من خلطة الطحين السابقه ونحشيه ونقليه بزيت غزير







وهاذي النتيجه




روووعه مقرمش ولذيذ ومافيه ولا نقطة زيت تنشفينه بالمنديل ومايطلع ولا قطرت زيت والله من ذاقه اخذ طريقته انا كنت مااحب السبرنق مقلي اسويه بالفرن بس يوم لقيت هالطريقه خلاص ودااااعاً للفرن

وبالعااااافيه .....

[ريحااانة]

قلب قلب
شكله ممتاز

يعطيك الف صحة يا غالية...

[غزوله]

شكله لذيذ
يعطيك العافيه عالطريقه
دمتي بحفظ الرحمن

[نورالدنيا]

ياشين اللي يشتهي اخر الليل
جت نفسي فيه
عوافي ع الطرح الرائع
لاعدمنا جديدك

[جــــــــــوري]

عنـ جد شكله لذيذ
يعطيكـ آلعوآفي يآعسسسلـ ,

[وردة الايمان]

يعطيك العافيه يافلب الوفا ان شاء الله نجربها مبهذلنا هالسبرنق رول عفناه من هالزيوت الي يشربها مشكورة عالطرح