زمان كانت امجورة لها قيمة كان الواحد لغاب ترى جاره يستفقده و يسأل عنه قلوبهم صافية -جارك القريب ولاخوك البعيد - تراهم متحابين امليل يسمرون سوى والصباح يتقهون سوى ولكن الشيطان لقد دخل يهب بين مخوة .
دخل الشيطان بين مزوام وعكام وهن جيران فتراقعوا حتى عاف امديك حبه ..والسبب بسيط .
تابعوا معنا سبب امراقعة .
كان مزوام يحب امدجاج وكان معاه دجاجة معتز بها قليل من نوعها لونها أبيض وفي راسها ثلاث نقط سود وهذاالنوع من امدجاج محبوب عند الناس يعتنون به ويحافظون عليه
وكان ماييتي امغلس لقد لفلفن دجاجة مزوام عيالها وبرهن لبيت عكام اتبهل تحت امحناية حقه ماتفارق إلاو قد عروق امحناية مشخية وعكام كل يوم يدامن امتراب ويتمنع عند مزوام
يامزوام فكنا من دجاجتك كل يوم إنها تبهل أصل امحناية .
قال مزوام كيف أفكك ؟ أفكك من دجاجة هيا هي معاها عقل تسمع امهرج وإلا تشاني أيسرها .
قال عكام :تيسرها وإلا تذبحها المهم صرفها عني وإلا والله ...
قال مزوام : كمل والله ماهو ؟ قل تعقرها ها لنته تشى عقرك جرب اعقرها وتشبح ما أعقرك أقول خله امدجاجة اتبهل .تهديد:
قال عكام : الله تعقرني في سب دجاجة ؟يبكي:
قال مزوام : ياوه أعقرك في سب دجاجة وهي تهب ثلاثين طير في فيقاصة وحدة .
برهن امدجاجة هي وعيالها لبيت عكام كان هي بدن اتبهل وعكام هزر امهرس من ساس امبيت و خوى عليها وإنه يلفتها لفت امخوف إلا وامدجاجة عزمين وعيالها يصاوون بجنبها يعود يشلها عكام ويجابي عيالها لبيت مزوام وشيرجم بمدجاجة ولكأن سعيد توعد
سمع مزوام صعقة امدجاجة ولا خرج إلا وعكام متقتري بمدجاجة رشحه يتقاطر ورجليه اتنافض يفكر كيف يسوي بمزوام ؟حيرة:
قال مزوام :وفعلتاها ياعكام ومضيت يمينك تعقر امدجاجة هيا أتيتوك ترجل .
قال عكام :وذحين يامزوام اللي تشاه ارحب عليه تشى ثمنها ثمنها وأنا مستعد تشى دجاجة بدلها إيته تنقه واقصر الشر يعجبك يضحكون علينا الناس ونسير مثلة يتعالمون بنا قلكن مزوام وعكام تحاربوا في سب دجاجة .
قال مزوام : اللي أشاه أرحب عليه وانته اتوعد من أمس إنك شتعقر امدجاجة لا أشالك ثمن ولا أشالك دجاجة ودجاجك كله مايسوى خلب دجاجتي وبطني مايبرد حتى أدفنك في امتراب وأعزيك من دجاجي هيا قابل امرجال اللي جهدك ماتهبه إلا على امدجاج .
حصل الشر وتقرب الشيطان ينطز بين مزوام وعكام حتى تلازموا ولا غاير ولامجيب يفرع بينهم يشله مزوام بعكام ويضربه في بطن زرب شوك ويهب عليه قصره شوك ويحطها ويقله بكانك استوى وروح بيته .
جلس عكام في بطن امزرب يتبرصع ماعرف يخرج حتى ربي حوله بواحد خرجه جلس ساعة يبعد عنه قصر امشوك حتى خرج .
خرج عكام ومافي جسده شبر إلا وفيه نغزتن من شوك سلام وسمر وعرفط وها هو يتنقش على امقعادة كما يتنقش البعير في امرويغة .
ومذحين امخبر انتشر في امقرية قلكن عكام ديمه مليان شوك كان اللي يأتي بزناقة واللي بمسلة واللي بملقاط واللي بمضربة واللي بشفرة كلهم ينقشون عكام من امشوك وإن واحد يسأل عكام ياعكام ماوصل امشوك في ديمك ؟ قال أطرد حنش شأمسكه بخير كان امحنش هارب مني وأنا أطرده حتى وصل امزرب وكرس بنفسه وأنا أكرس وراه ماعاد بيليته بمشوك وهذه قصتي ولاعاد حد يسايلني .
وكان زمان يجتمعون بعد صلاة العشاء في بيت الشيخ اللي معاه شكوة واللي معاه مشلن يحبكه واللي بدون شغل يبسطون حتى هدوة وكل واحد يلهم بيته هذك الليلة عكام ماسرى لبيت الشيخ وهي مهش من عوايده استفقده الشيخ قال ياجماعة فيه واحد الليلة ما أرى له و لالجوح من يعرفه ؟ قالوا عكام عسى ياشيخ مادريته بقصته ؟قال الشيخ لا ..عسى ماخلاف ؟ قالوا مسكين ديمه كله مليان شوك قلك يطرد حنشن شيمسكه بخير كان امحنش زرق بنفسه في امزرب وعكام يزرق وراه .
ضحك الشيخ ..ومزوام تنحنح قال الشيخ لازم يأتي الليلة شأسمع القصة منه ..رح يامزوام لعكام وقله قلك الشيخ لأيدك غارقة لاتجفه إلا عنده ..قال مزوام :أنا أروح أظن لأروح هيسري من امقرية ..قال الشيخ :ماتقول يامزوام ؟ قال مزوام أقول على رجلي حبلن أحبكه وصه واحد غيري . قال الشيخ من أوصي ؟ رح يابونوف لعكام وقله جاوب الشيخ .. بدى بونوف يتحلفز وساري لو مزوام يقول لبو نوف إذا سألك عكام عني قله مزوام الليلة ماسرى لبيت الشيخ لأنه لودري أني موجود والله ما أتى لأني قد انتقمتوه بحبيك امشل ..سرى بونوف لبيت عكام يا هلا امبيت يا عكام رده عكام بس بعد ماتحقق إنه بونوف تفضل يابونوف قال بونوف يزيد فضلك يقلك الشيخ حالا تكلمه قال عكام والله يابونوف الليلة أحسني وجعن ماتعذر لي من الشيخ قال بونوف الله يعينك تعصلب انته تدري ماحد يعصى الشيخ ..قال عكام كلكم متواجدين عند الشيخ حتى مزوام قال بونوف أبشرك الليلة مزوام ماحضر ربخنا منه ومن مشله ..قال عكام والله إني ماقدرته لكن أمر الشيخ ماحد يعصاه هيهب لي الله معونة ..سرى عكام لبيت الشييخ كان هو وصل ومزوام يغضه لمذبالة حق امفانوس لو عكام مايرى كباس مايسمع إلا اموحي يعود الشيخ يناديه تعال ياعكام اجلس عندي شأتعالمك عن قصتك كيف غامرت بنفسك وادخلته في امشوك ؟قال عكام والله ياشيخ انته والحاضرين قصتي قصة زرق حنشن وفيه ناس قالوا ياعكام تقدر تمسك امحنش وهو بخير بدون ماتضربه سمعنا أن فيه ناس عندها خبرة تمسك امحنشان بخير وإن الحمية تشلني وأقوم وأطرد امحنش كان امحنش زرق بنفسه في امزرب وأنا أزرق وراه لاعاد بيليته بشوك ولاغيره .
ضحك الشيخ ..ومزوام رفع لذبالة امفانوس لو امقبل قد وهن ..وعكام أتنه لنفضة ودحرن عليه لعروة عندما شاف مزوام .
أكمل وإلا يسده .
|
 |
رد مع اقتباس
المشاركة الأصلية كتبت بواسطة مزوام
