بسم الله الرحمن الرحيم
اأولاً السلام عليكم ورحمة الله وبركاته
القصة هذه من زمان ابغى أنزلها للمنتدى وكل مرة أنشغل أو أنسى
واليوم جا الوقت اللي تذكرت وقلت خلني أنزلها مادام اني جالس ماقد هبتولكم مواضيع جديده
القصة حقيقية ولافيها أي تزييف
أولا القصة لها زمن حول ال17 سنة كنا وأنا مازلت صغيراً عمري يمكن 10 سنوات كنا نسكن في منطقة تابعة لمحافظة القنفذة كان في أيام الأربعاء والخميس يطلع الوالد يمشينا للأودية الكثيرة في تلك المنطقة وفي أغلب الأحيان يذهب بنا للأودية التي يكثر بها شجر الأراك لكي نتمشى من ناحية وهو يذهب ليقطع له بعض المساويك وفي يوم من الأيام ذهبنا لذلك الوادي نحن نلعب والوالد راح لشغلته وكان الوقت قريب من المغرب وطريقة الوالد في أخذ المسواك انه يحفر شوية عنه وبعدها يشوف لجهته تحت التراب وين رايح ويدخل السكين بين التراب من جهته لين يوصل عليه ويقطعه وذاك اليوم هوه خش السكين وقطع المسواك شوي إلا وقد طلعت له وحده عجوز وولدها معها ويد ولدها مقطوعه وتمسك الوالد وتقوله ليش قطعت يد ولدي وبعدها جا ابوي تعبان وينتفض ونروح للبيت وجلس حول الشهر أو أكثر تعبان كان في كل يوم مع المغرب نسمعه الا وهو يصيح والله جات والله جات والله ماعاد أسويله شي أنا أعالجه أنا أداوي يده
وكان الوالده تقرا عليه واحنا صغار مانعرف شي وجا واحد أعز صديق للوالد كان يمكن في اليوم ثلاث مرات يزوره ويروح به عند شيخ يعالجه والحمدلله رجع بخير ومشى على هذا الحال طول السنوات اللي راحت كلها
وقبل سنة تقريباً جا نقل الوالد الى جيزان بعد 31 سنة خدمة هناك ويوم انتقل كان ينزل يومين أو ثلاثة في الاسبوع يداوم ويرجع عندنا هناك وينزل هنا في بيتنا اللي ماننزل فيه الا في الاجازات ومرة نزل هنا وجا يبغى ينام في بيتنا يقول الا وهذي العجوز اللي قطع يد ولدها قد جاءت له وتقوله أبغى أحنيك قالها أنتي فين ساكنه قالت أنا ساكنه في مزرعة ......... قريبه من أحد المسارحة يقول وأقوم أصلي من الساعة يمكن 12 في الليل الين شفت الشمس طلعت ويبره يداوم ويروح عندنا هناك
وبعدها الحمدلله ماعاد جاءت له
ماعرفتوا أيش علاقة العنوان بالقصة صح
اسم هذه الجنية التي كانت تأتي للوالد هوه قرمشة فانتبهوا من ابن قرمشة لاتزعل ياابن قرمشة مني هااااه
بس القصة حقيقية من غير زيادات
|
 |
رد مع اقتباس
