يا ضايق الصدر { بالله } وسِّع الخاطر

دقايق .. لو سمح وقتك دقايق
انا مشتاقلك بالحيل و ضايق
وحشني صوتك و خوفك عليّه ..
ليالي غيبتك مرّة و تضايق

في عيني وين ما ترحل أشوفك
و اسلّي نفسي و اتخيّل وصوفك
يحسبوني نسيت و ما نسيتك ..
وربّي عالم بكل الحقايق

أغنّي بكثر شوقي لك أغنّي
كثر ما كنت لو حبّك سكنّي
و انا من زود ما دمعي فضحني ..
أداري وجهي عن كل الخلايق

أحبّك و انت تدري كيف أحبك
و ما تكفيني في حبّك " أحبّك "
عزاي اني أحبك طول عمري ..
و لا يسوى العمر بعدك دقايق

[صامطية]

في ذمتي مو عشان النـاس تقرانـي
الناس ما هم بـ /همّي وأنت خابرنـي

اكتب عشانك تشوف بعينـك أحزانـي
ولاّ وش/ اللي على هـ/الهم جابرنـي

أنك تمّر القصيـد ...و تطلـق لسانـي
وأتعمد أكسر عشان ..تمـر تجبرنـي

ياللي غيابك عمر.. معقـول تنسانـي
معقول ترحل بـ/ عمري مـا تعبرنـي

خذ معك شعري حرام الناس تقرانـي
الناس ماهم بـ/ همّي وأنت خابرنـي ..