ياويل قلبن كل ماتمره اطياف
اللي خذاه البعد عني وقفا
يصير حاله حال من زار عراف
حتى لعب بأفكار عقله وخفا
على عديم الشبه في كل الاوصاف
نهر الوصال اللي تجافا وجفا
قد كان لي ريفن ولا كل الارياف
واليوم جفن الوقت بالبعد رفا
اسباب عادات وتقاليد واعراف
والعاذل اللي في غلانا تشفا
هذي ثمان اسنين والدمع نزاف
والقلب تعصف به المقادير عصفا
كم عارضو له اهل واخ وميزاف
وكم صوتو له باقي الغيد تكفا
لباست التي شورت والستر شفاف
اللي لهم في كل ميدان ملفا
من حضنهم ساعات لاطال ينعاف
اهل الغرام اللي يحبون زلفا
ناس لهم في شارع الحب ميقاف
كنهم غدو لمدور الغي وقفا
متسافرات الطبع والخلق سفاف
ياجعلهم فدوة وطا رجل وطفا
بنتن مغلفها حلا الدين بغلاف
لا كنها عاشت وسط ناس غلفا
لاجيتهم ردوك والحجه اشراف
يالله عساهم ما ينالون شرفا
الدين ياهل الدين هو خير مشراف
وإلا فما دونه به النار احفا
|
 |
رد مع اقتباس
