ولا أجمل ولا أحلى من شعراء منتدانا والحكم لك

[يحيى المشعل]

الإهـــداء بإسم المنتـــدى وبلسانه ليس بلساني فهو من يعرفها ليس أنا
فالإهــداء لايصل إلى مقام المهدى إليه فهــو أقل من القليل..



سيدة هذا المكان


بسم المنتدى أعضاء ومشرفين وإداره
علــى قلب واحــد دايم أقواله أفعـــــال

لاصــاب نبــضه شي جــاه إحتضــــاره
والنبض يمثل داخلـه عزيزين الأقــوال

اللي لهـم فـي درب الإنجــــاز شـــــاره
واللي لهــم فــي داخل القلــــب منزال

يـــاسيــدة هــذا المكــــان وشعـــــــاره
يـــاساكنـــه أرجـــائــه بــــكل جــــــال

فيــك الوفــــا منبــــع وقلبــــــك قراره
وفيك المعــاني ترجمة طيب الخصــال

لظلــم عليـــنا الليــــل وصلك نهــــاره
وصدرك لهمــــوم الأحفــــاد مدهــــال

لاحب ربــــــك عبــــد جـاه إختبـــــاره
مـــاهو عقوبـــه بس صقــل للحــــال

تـــاره يجيـــه الهــم ويقفــــاه تـــــاره
ويبقــى الأمل في داخله عزم رجــال

لـــو الغلا يثبتــــــه وصف وعبـــاره
نحت لك مــن ضلع الآمــال تمثــــال

ولــو الصــبر يعطــى بمبدا الإعــاره
مديت لك من صبر المحبين فنجـــال

لكــن عنـــــدك صبر أدري إقتـــداره
صـابر على الأقدار واقف ولا مـــال

حتى الألم قبل يجيك صلى إستخاره
خــايف من الرجعـه بخيبـــه وإذلال

جاك ثم إنحنــى وسجـل إعتــــذاره
ووقف أمامك خـاضعٍ عــز وإجلال

يالله عســـى ماجــاك يجلا غبــــاره
ويطيـب لك وقتـــك وتزين الأحوال



(حكمـــــي)


نسأل الله بأن يشفيك ويديم عليك الصحة والعافيه


الحكمي

لذيذ
إلى
آخر
قطرة

سلم البوح ياكريم

[يحيى المشعل]

القصيده في مطلعها تحكي حال البعض في مجتمعنا وأنا لا أقصد بها أحداً بعينه كي لاتفهم بالخطأ ..



(( قاعـــــــــــــــــده ))



هي قاعــــــده مايختلف فيــــها إثنين
جامــل تعيش وإكذب بتلقــى الريــاده

هي قاعــــده مالها حكـــــم وموازيين
قالها البعــض وأصبحت عندهم عاده

جاملنـــي أجـــــاملك وإحسبـــه ديــن
بعطيـــــك مما قلــــت وأكثـر زيـــــاده

إنت الوفــا والطيـــب وراعـــي الدين
ويبـــان في وجهـــــك كثـــير العبــاده

ولامن مضــــى وإبتعـــــد عنـه متريـن
مايــــرحمه لو هو فــي باب العيـــاده

ياصاحبـــي لاتستلـــــذ طعـــن المقفين
ولاتستغـــــل من جاك وأعلــــن وداده

يكفيـــــك فيمـــا قلت بعــض العناويـن
وتغنيــــــــك عنه بعـــــــض الإفـــــاده

مانـــي بوفيـــــــــه لو أكتبـــــــــه لين
يطيــــح القلــــم أو ينتـــهي من مداده

ياصاحبـــي هذا العمـــــر فيه ماضيـن
وكلــــن يسجــــــل سيــــرته بإعتـماده

أوقــــات أحســــــــــد المســــاكيــــــن
علـــى الفقـــــر والصــبر وقو الإراده

وأوقــات أعـــاتب حظــــــــي الشيـن
لا صــــــار متردي وزايــــد عنــــــاده

الفقـــر فقـــر النفــــس ماهو ملاييــن
كــــم واحـدن ماجــــاب ماله سعـــاده

تعبت أهدي النفس على فراق غاليـن
وعجــــزت أوقف هالحــزن وإمتداده

لــي صـــاحبن مايشبهه غيــره إثنين
هو منفــــرد بين المخاليـــــق غـــاده

أشتــاق له والشوق ماهو من الحين
من يـــوم قــرر خافقـــي بإعتمـــــاده

راح ورحـــــل ولا أدري علـــى وين
ولا كـــان له فـــي بعــــــــــاده إراده

حكــــم القدر ماهو بحكـــــم المحبين
أهدى المحب حزنـه وأسلب رقــاده

وفيــت له وأسكنته بوسط الشرايين
ولا قل حبـــــه في وجوده وبعــــاده

قلبه وفـــا وفي نظـرته عطفن ولين
وفي بسمتـه مايقتل الحــزن بمهاده

قربه رضــــا يسعــــد القلب والعيـن
وبعـــده يزيـــد القلــــب هـــم ونكاده



(( حكمـــــــــــي ))

آخر بيت يُعتبر
معلَّقة
لله درك من شاعر

[يحيى المشعل]

أما بعد


أقدم لكم بعض مشاعري بمناسبة يوم الوطن الغالي على الجميع وأنا أعلم بأني لن أوفيه ولا قدر أنمله ولكن تأبى المشاعر إلا أن تسطر بعض ما جاد به الفؤاد فهي قصيدة وطنية مما سطرتها أناملي حباً في هذا الوطن الغالي المعطاء وهي قابلة للنقد من جميع من لديهم الخبرة في مجال الشعر النبطي ..




[( هــذا الوطــن )]




هذا الوطن مال حبه مسافات وحدود
يبقــى الوطـــن مادام هالنفس حيـه



حُبــه ورثتــــه من آبــــــــاء وجدود
وعشـقت أرضـــــه بنفسٍ رضيـــــه



فــي تربتـه نفحــة المسك والعـــــود
وفي خضرته مايسعد النفس الشقيه



ولا قلت أبو متعب نبت عشب وورود
والأرض مـــــن تحتك تبقـــى نديــه



والكـــون يرقص في طرب وسعــود
والغيـــم يمطرنا صبــح وعشيـــــه



فـي نظرته صـارم وحازم وجلمـود
وفي بسمتـــه ما يزيــــل هم وأسيه



وفـــي طلته مايـفرح الطفل والعــود
ويجلـــي همـــــــوم الأم ويا البنيــه



وفــي حضـــــرته يخسا كـــل نمرود
وتبــــطي النـــــسا مايــــــجيبن زيه



هـــذا أبو متـــــعب والله إنـه يجـــــود
بنفســه لشعــــبه يقـــدمها هـــــــديه



ويا الله عســى سلطـــان خيرنا يعـــود
ويبقـــــى الــوطن شـــامخ ونفسه أبيه



حب الوطن ماهو بحاجة مواثيق وعهود
بين الوطـــن والقلب عــرق وجــــــاذبيه





حكمي...



هنا التزم الصمت
ولكني

سأصفِّق
بحرارة
سلمت يداك

[يحيى المشعل]

نهـــــايه حزيـــــنه



الخــل يزهوا وبنظـــرته دوم جــــذاب
والقلــب يعشق ودوم يجـــره حنيــــنه


لاتشتكي ياصاحبي ولا تيأس وترتاب
فالمــوج يعلـــو ولايهـــز السفيـــــــنه


خلك علـــى دربــك ولو الهـوى غلاب
وإصـــبر ولو جــرحك تزايد ونيــــنه


ولاتفتــح البــاب دق مليـــون بـــــاب
فلو غاب القمر يرجع يرفرف جبينه


واللــي يحب يصبر ولاعمــره يهـاب
فلا عــاش قلبٍ مايهــزه حنيـــــــنه


اللــي يقول أحب ويهجر الخل كذاب
مــاهو يحبه ولازار السهـــر عيــنه


صـدفة لقـا تجمع إثنين فـي عتــــاب
بعــد الغياب وبعــد مـاضي سنيـــنه


واحد وفــا في وحـدته لين ماشــــاب
وواحـد مضـى وطفلتــه فـي يديــــنه


صدفة قدر ماهي بمواعيد وحســـاب
صدفـــه وتهديـــهم نهـــايه حزيـــنه




حكمي



أمتعنا

أمتعنا

فحرفك

جدولٌ
رقراق

[يحيى المشعل]

السلام عليكم ورحمة الله وبركاته ..

أقدم إليكم هذه القصيده المتواضعه وهي إهداء مني لهذا المنتدى وجميع القائمين عليه من أعضاء وغيرهم ...




ما يوقف الإبداع




مــــايوقف الإبــــداع حاســــــد وخوان
ولاهـــو بفعله يقــــدر ينــهي مســـــيره



لا صــــــــار نـــذل وحقــــــير وجبـــان
كيــــف نهتـــــــم فيــــه ونستثـــــــــيره



واحـــــــدٍ عــــايش فــــي هيئة إنســــان
مــــــاهــو بإنسانٍ ونفســـه حقـــــــــيره



يحســـب إنه بفعله يزعـــزع أركـــــــــــان
مايدري إن الأصل ثابت والمعالي عسيره



لاصـــــار تجمعنا علــــى حـب وإيمـــــــان
والعلـــــم يهديـــــنا دروبٍ منـــــــــــــــيره



هنـــا تجمــــعنا علــــــى حب إخــــــــوان
جســــــــــد واحــــــد كأننا من عشـــــيره



يقـــــــود موكبنا في البحــــر ربـــــــــان
خبــــــــــــير بأمواجـه ويقـدر يديـــــــــره



يالله عســــى تديمنا أهـــل وإخــــــــوان
ويبـــقى المنتـــدى شامخ بقيادة أمــــيره



ويــــالله عســــــى من عاداه ينهــــــــــان
وتذله الأيــــــــــام ويلقـــــى مصـــــــــيره





حكمي...

لايمدح الكريم

إلَّا

الكريم

[يحيى المشعل]

ضايق الخاطر

والله إني ضـــايق الخاطــــر حزين
والعيـــن عــافت كل شين تنظـــره

والقلــب صارت كل نبضاته أنيـــن
والدمع حايـــر مانزل من محجــره

الفــــرح لحظه وأحزانـــي إسنيــن
والهــــم يطويني ولا أقدر أنهــــره

آه علــى وقتن مارضى لحظه يلين
وآه علــــى حظـن ماقدرت أجبــره

العمـــــر عدا وقربت أطوي ثلاثين
والحظ أقفـــــى لم حلمـــي وبعثـره

أواه ياقلبن شكــــى كثـــــر الحنين
علـى فراق منهو نبضه مايوم أنكره

حبه قـــدر إنكتب فـــــوق الجبيـــن
ولاكان ليــــلن ماهو لأجله أسهــره

سلام يــا أهــل الوفـــا يالطيبيــــــن
ياللـــــي سواكــــم كل نذلن أحقـــره

ضــــــاقت الدنيــــــــا ولابه معيـــن
غيـــر ربن بـكل حالــــــن أشكــــــره

يالله عسى من ضيقتها خاتمته تشين
وتضيق به دنيــــــــاه ودايم تقهـــــره


( عبده حكمي )

عساه مايجيك ضيق
طول عمرك

[يحيى المشعل]

ورد الربيــــــع

ورد الربيـــع

غريبــــه هــــذه الدنيــــا تعذبنـــا ولا نزعَـــــلْ


تضيق دوم خاطـرنا ونضحك في فرح وســرُورْ

تبعثـرنا تلملمنـــا وعن الجافــين نجـي ونســأل


غريبـــه بكــــل مافيــــها سواء بعـــدل ولاَّجُــور

نجـــي فجــــأه وفجـــــأه نختفـــــي ونرحـــــــــل


بدون أسبـــــاب ماندري لها مذهــــب ولادستـــور

كنت أشوفك في حياتي شخص وافي شخص أجمل


ولكــــــن فجأه تتركنـــي وتبقــــى وافي ومأجــــور

يهيــــم بك فكري وأهيــــــــم بك حيــــــل أنا وأثمل


وتبقــــى مالك إحساسي وتبقـــــى بغيبــــتك معذور

حبيــــبي يابعـــــد كلي تـــرى هذا الهنـــا يكمــــــــل


بـوصلك لا غـــــدا وصلك يجبــــر خاطـــرن مكسـور

قســـــم بالله ماغيرك سكـــــن في خافقـي وإحتــــــل


حنايــــــا القلــــب ونبضـــــاته بصــــدق شعــــــــور

حبيبــــي تــــرى ورد الربيــــــــع بروعتــــه يذبـــــل


ليــــا غــــــاب الربيـــــع يطيـــــــــح بتربته منثــــور

يضيـــــق به حـــــاله ويبقـــــــى بدنيتــــه مهمــــــل


طريـــــــح بوسط ريضانه كأنه من زمــــن مهجــــور

غريـــــبه هـــــــذه الدنيــــــا تعذبنـــــــا ولا نســــــأَلْ


تضيق دوم خاطـــــرنا وأضحك من عنـــا مقهُــــــورْ

عبــــده حكمـــي

شاعر لايجارى
اطلاقاً

[يحيى المشعل]

عزيزي المتصفح



وما زلنا مع الحكمي


وخمائله المتناثرة الظل


سنستريح

ثم نكمل

[عبده حكمي]

أخي الغالي فريسة المأساة
وخالقي أعجزت أحرفي عن الرد وأوقفتني حائراً
بصدقك ووفائك وطهر قلبك
ولكن لك من قلب أخيك دعوات في ظهر الغيب
قد عدت بي إلى ماقد نسيت فأنا والله لا أدون قصائدي على الأوراق إلا نادراً
وأكتبها في المتصفح وإلى المنتدى مباشرة ولكنك بوقفتك هذه قد عملت بي معروفاً
وسأظل أشكرك عليه ماحييت لأجمع ماسبق لأقف عنده كثيراً
وماأنا والله إلا أقلكم شعراً ودراية به
أسأل الله لك التوفيق والسداد والسعادة في الدنيا والآخره والجنة
سأعـــــــــــود فأنت تستحق

[يحيى المشعل]

( غيـــمة وفـــا ) إلــى ( قلـب الوفـــا )

لا لشي ولكــــــــن لأنها تستحق ...

فهي كالنحله تجوب جميع البساتين لتنتج لنا من الشهد أعذبه وأنفعه

لا تكل ولاتمل مجتهدة مثابره

إن حضرت لاتسمع إلا ضجيج المكان لإزدحامه بالماره

وإن غابت لاتكاد تسمع إلا صدى صوتك لخلو المكان

هي كالشمعه تحترق لتضيء لمن حولها

منفردة في طرحها متميزة في ردودها

لا يشبهها سواها

تمزج الفرح بالفرح فتزيده بهجة وسرورا

وتمزج الحزن بالتفاؤل والأمل

تسأل عن الغائب وترحب بالضيف

هي سراج المنتدى وقلبه النابض

هي ( قلب الوفا )

أحب وفائها وأحترمها

فمهما تحدثنا فلن نوفيها حقها ولن نحصر ماقدمته

ولو سطرناه في دواوين فكل يوم لها إشراقة وإطلالة

جديده مختلفة ومتميزة عما سبقها

أهديها بعض أحرفي وأنا أعلم بأنها لن توفيها في شي

فهي أقل من القليل فأحرفي تقف عاجزة أمامها

ولكن من حقها علينا أن نذكر وفائها فهي رمزٌ للوفاء

وللحب والإخلاص فهي تستحق

أهديها بعض أحرفي من منطلق خير الكلام ماقل ودل

وأعلم بأننا لو سطرنا دواوين من أجلها فلن نوفيها بشي

فهي تستحق وتسحق وتستحق .............؟

غيــــمة وفــــــا

القلــب أرض وســيرت يمه سحابه

تمشـي تهــادى تتزن فــــي خطاها

ثم وقفت من طيب وإجلال ومهابه

وأسقــــت إعــروقه من طيب ماها

ماهمـــها كثر الشقــــا ولا عـــذابه

ولا هزهـــا منهو تعلا في سمــاها

ولاعــاقها حـــزن الفؤاد وإغتـرابه

مادام هالجــــود يربــى في حمـاها

غيـمة وفــــا ولابه أيـــة غرابـــــه

لا صــــار نبته وافيـــن مانســــاها

حـــل حله وإنحنـــى يقبــــل إترابه

من طيب عـــذقه تربته ماجفـــــاها

طاح الوفــا فوق الوفــا وصار غابه

غابـة وفــا من زهو نبتــــه كســـاها

فاح العطــــر والطيب كلـــن لفــابه

عل وعسى يلحـــقه وافــــر وفـــاها

أخوك/ ( عبده حكمـــي )

وفي من يومك يالغالي
تسلم

[يحيى المشعل]

عيـــــــــــد ميــــــــــــــلاد



مضى شهـــــر وأنا من الشـوق وقــاد
ناطر حبيـــــــــــبٍ قد قتلنــــــــــي بغيــابه


نســــــــى عهوده ونســـــى كل ميــــــــعاد
وأقفـــــــــى وخلانـــــــــي بحـــــــــــــــزن وكآبه


قد مر بِي يـــــــومٍ ولا عيــــــــد ميـــــــــــــلاد
فيه الفــــــــرح أضفـــــــى لصدري رحابه


وبعـــــــــــــد منه غاب سيـــــــــــد الأسيــــــــاد
وضاق صــــــــــدري كل ماقلبــــــــي طرابه


ليـــــــــه الزمن يصنع معاديــــــــن وأحقــــاد
وليـــــــــه الحزيــــــــــــن بقعـــــــر داره عــــــــذابه


مدري عشان النـــــــــــــاس ناقد وحســــــاد
ولا ظــــــــروف الوقـــــــــــــــت فيــــــــها كآبــــــــــه
ياسيــــــــدي ياسيــــــــــــــــد كل الأسيـــــــــــــــــــــاد
ياســــــــــــاكنٍ قلبـــــــــــــــــي وواطــــــــــــي إتـــــــــــرابه


لو جيــــــــت للعــاصـمه فــــــي خير البــــــلاد
وزرت حــــــــي ( المروج ) ودقيــــــــت بابه


إعــــــــرف بأني من كثر هالشــــــــــوق وقـاد
ناطـــــــــــر حبيـــــــــــبٍ قد قتلنــــــــــــي بغيــــــــابه


يابو محمد لاصارت الدنيا عنا وجهاد
وصار البشــــــــــــر في شرعهم شرع غابه


صفـــــــــي ضميرك وإعتزل كل حســـــــــــــــاد
وأعــــــــــــرف بـــأن دنيـــــــــــــــاك كلها كآبـــــــــــه




عبــــــــــده حكمـــــــــي
وإذا ماشتاق الحكمي
مين عاد يشتاق

[يحيى المشعل]

لاتجرح القلب


ياخـــــوف نفســـي تولع القلــــــب وتـــــروح
ويعـــــود لي همــــــي والأحـــــزان من ثاني

لاتجـــــرح القلــــب بالصد تراه مجــــــــــروح
مجـــــــروح من هــــم الفـــــــراق ويعانــــي

إن كان صـــدك غصــب فإنت مسمـــــــــــوح
مسمـــوح وأنا بصبـر على همـــــي وأحزاني

فداك العمــــــر وفوق العمـــــــــر هاك الروح
روحـــــي وقلبـــي فداك ياأعــــــز خلانـــــي

إن رحت عني فإنته معي في الصمت والبوح
وإن جيـت يمـــــي تراك بنبـــض شريــــــاني

لو الحــــــــزن يجلـــــى بكــــــثر النـــــــــــوح
ذرفـــــت مـــع دمعـــــي كل ماأشقانــــــــي

ناديــــت لك والصــــــوت خافـــــــت ومبحــوح
ولابه سوا حزنـــــــي بغيـــــــبتك لبانـــــــي

أنا أحبـــــــــــــــــك وأعشقـــــك بوضـــــــوح
ولو جيت يمـــــي تشــــــوف الحب بأعياني

ماهمنــــي لو عشــت في دنياك مذبــــوح
ولا همنــــــي قلبــــــي وين ودانـــــــــــي

وفيـــــت لك وأقسمت عن الســـر ما أبوح
لو هو بعــــادك حيل يالخــــــل عنانـــــي

مابه ســـــواك فـــي سمـــــاي يلــــــوح
ولابـه غيــــــــرك زلـــــزل أركانــــــــــــي

ببقـــــى أغـــــرد بك مع حمـــــام الدوح
وببقــــى أحبــك ودايم فيــــك ألحانــــي

فداك العمـــــر وفوق العمــــر هاك الروح
روحـــي وقلبـــــي فداك ياأعـــــز خلاني




( حكمـــــي )

ومن طبعك أنك تضحي ياعمر عمري

[يحيى المشعل]

إحســاس بالغـــــــربه

إحساس بالغربه

بهالزمن ماعادبه صاحب ولاحتى حبيب


ضـــاع الوفــا بين البشـــــر والأحبــــه

البعض تحسبه أقـــرب من أقرب قريـب


يفاجئك بالصــد وتبقــى عشرته كذبــــه

يــامدعي الحــب ترا أمـــرك غريــــــب


والله محدٍ يحب وتبقـــى جيتــه صعبـــه

يبقى وفــــي يصبر ولو حــــاله صعيب


وتبقــــى بسمتـــه فوق مبسمه عــــذبه

ياذا القلــب مـالك لأشواقك طبيــــــب


غير همك والحــزن وإحساس بالغربـه

يــاما نصحتــك ولاكنت لي تستجيــــب


ويـاما نهــــرتك وكنت فينــي تفـاخربه

شف ضـــاعت أحلامك وآمالك تشيــب


وهــو لاهــي عنـك ولاقدرت تظفــــربه

إحصـــد مازرعت كانك تحسبـــه طيـب


وإقطف أثمارك دامك إخترت هالتــربه

تعبتنـــي ياقلــــب ترا حــالك عجيــــب


يصـــد عنك ويجفـــاك وتشتري قـــربه

تعبت أنا والمــوق أصبح منـــك عطيب


والجفــن جافانـي مـن كثـر مسهــــربه

ياقلب ماني ألومك دام الوفا فيك عيب


لكــــن صبري نفــذ من غير مشعـــربه

ياقلـب جمع أشلائـــك ترا مالك مجيب


غير همك والحـــزن وإحساس بالغربه

حكمـــي

أنا أجاوب ليا ناديت

[يحيى المشعل]

الخطــــــا

الخطا

علــــــــــى كثر ماتاخذ دنيـــــــــــاي وتعطــــــــــي


علـــــــى كثر ماردد القلــــــــــــب ويــــــــــــــــــــلاه

سجيت رجلي على الخطا وجيت مخطي


وأقسمــــــت إني عايــــــــش العمــــــــــر لرضاه

هــــــذي عهــــــودي قلتها ولا زلت موفـــــــي


ولا زلـــــــت حـــــافظ عشـــــرته وكل ذكــــــــراه

ولاني مثـــــــــل ناس تاخـــــذ الهــــــــرج وتعطي


لجـــــــل تكســــب مــــودة الخل وتجفــــــــــــــــاه

شي(ن) بغيته آصله لو علـــى الدر(ب) حتفــــي


لأني عشقت العـــــــــز ولا أرضـــــى ســـــــــواه

ياصاحبـــــــي صبرك تراني نفــــــــذ صــــــــبري


ودي بشي(ن) يسعــــــــــد القلـــــــب وأسلاه

منيت نفســـــــي بـــــــس حظـــــــــي متــــــــــردي


عايــــــش علـــــــــى مره وصـــــــده وقســـــــــواه

جار الزمــــــان من بعـــــــــد هجــــــــر خلـــــــــي


وزادت همــــــــومي من بعـــــــــد جـــــــور فرقاه

قـــــد كان لـــــــي نبض به الــــــدم يجــــــــــــــري


واليــــــــوم أقفـــــــــا ولا أدري ويــــــن دنيــــــــــــاه

أقفـــــــا وخلاني علـــــى أحر من جمــــــــــــري


أعـــــــــد لحظاتـــــي على كثر ما أتمنــــــــــــــــاه

أقفـــــــــا وليتــــــــــه عن الحــــــــــال يــــــــــــدري


كم هـــــــي عيوني في بعـــــــــاده تحـــــــــــــراه

أقفـــــــــــا وصــــــرت أردد ماعــــــاد بـــــــــــــــدري


من كثر حزنـــــــــي جر هالقلـــــــب مغنــــــــــــــاه

وفيــــــت له ونحت له في وســـــــــط صدري


إنـــــــــي مـــــــا أخــــــــونه دام هالقلـــــــــب أغلاه

أحبــــه حب صدوق صــــــادق حب عــــــذري


ماخـــــــــالطه شكٍ ولا العـــــــــــــار قد جـــــــــــــــــاه

بــــــــــــــاع الوفا وصــــــــــــــار للغيــــــــــــــر يشــــــــــري


وأهــــــــدى لفؤادي حسرتـــــــــه وكل بلـــــــــــــــــــــواه

أخلصـــــــت له وحفــــــــــــرت بيــــــــــــدي قبــــــــري


وجددت عهــــــدي مع السهـــــــــــر والمعانــــــــــــــاه

كان الوفـــــــــــــــا ياصاحبـــــــــي هــــــــو عـــــــــــــذري


وكان القســـــــــــم إني عايـــــــــــش العمــــــــــر لرضاه

غـــــــــــــــاب وبعـــــــد الغيـــــــــــــــاب جا يجـــــــــــــــــــري


يظن أن القلــــــــب في رجعتــــــــــــه يترجــــــــــــــــــــــــاه

من باع عهــــــــــــــده فلاهــــــــــو علـــــــــــى خبــــــــــري


ويخســــــــا قلبـــــــــــــي كان في ضيقته ينخــــــــــــــاه

قـــــــــــــد ضاق صدري منه ونفـــــــــــــذ صبــــــــــــري


ولا عـــــــــــاد له معـــــــــــــي غير ذكــــــــــــــــــــــــــــــــــــــــراه

عبــــــــده حكمـــــــــــــــي

[يحيى المشعل]

مساء الشوق

مساء الشوق من قلبن تهزه دايم أشواقه

مساء الورد ياوردن تفتح داخل أعماقي

برغم الهم والأحزان تجي هالنفس مشتاقه

فداك القلـــب ياقلبن بنبضه دوم خفاقي

تعال إسكن تخير لك هنا ياصاحبي باقه

بوسط القلب دامك للفرح في دنيتي ساقي

ترى عقبك طعـــــم الهنــــا والسعــــد ماذاقه
ماغير الهم والضيقه ولمعة حزن بأحداقي

ورغم الحــزن يجيـــــــك براية شــــــــوق خفاقه
غرقت في بحر أنا حبك وزاد الشـــوق إغراقي

تبسم وإنسى أحزانك ترى هالحزن ماطاقه
وقفت وجيت أنا لجلك ولاهيب تنثني ساقي

حبيـــبي ياربيــــع العمــــــر وياروعة إشـــــراقه
تراه يزين يومي بطلتك ويزين إشراقي

يافرح أمسي ويايومي وياكوني وآفاقه
ياشمعةٍ تضـــــوي فؤادي وكل آفاقـــي

وفيــــت وجيتــــــك بعهـــد قلـــبي وميثـــــــاقه
ولك مني أبد ما أخون أنا عهدي وميثاقي

تبســــم دام العمــــر لحظه وتطــــــوى كل أوراقه
تبســـــــم دام لك بصمـــــه تميــز كل أوراقــــــي

فبرغم الهم والأحزان تجي هالنفس مشتاقه
تبســـــم دام أنا لجلك إلك يالخــــــــل أنا بــــاقي

عبده حكمي

هذي القصيدة ماتحتاج تعليق

[يحيى المشعل]

رجوع إضطـراري

دونــــك حيــــاتي مالها أي طــــــاري
فيها الفــــرح ضايع وتملاها الأحزان

وبعـــدك فؤادي بالفكــــر دوم ســـاري
حتى السهــر يرسم من الهم الأجفان


الــــود والتقديـــر وكثــر إنكســـاري
ماتجعل المشتــــاق في الحب ينهان

جيتــــك وأنا حامل إلك إعتـــــذاري
كأني أنــا في صدتــــك كنت غلطان

من صدتك حتى الورد صــار عاري
في غيبتك ماعــاد به غير الأغصان

أشتــاق لك والشــــوق يلهب بناري
وأجيك مع كثر العنا حيـــــل ولهان

الحب والإخلاص وطـــول إنتظاري
تجعلك معــــزّه علـى مـــر الأزمان

ودام الوفـــــا في دنيتي هو شعاري
نجـــم(ن) تعلا في سما كل إنســـان

بجيك مشتـــاق(ن) وللوصــل شاري
وأنسى معك من ضيقة الوقت ماكان

يافيَّــة(ن) تجلي سمومي بنهــــاري
يانسمة(ن) مرت على كل بستــــان

يـــاوجهة(ن) حددت فيــها مســـاري
ياوردة(ن) فاحت من الطيب ريحان

جيتك أنا فــــــرح(ن) وللحـزن أداري
ورجعت لك أعزف من الفـــرح ألحان

وترى رجوعي في الهوى إضطراري
لأن الغلا عنــــــد الوفيين ماهـــــــان


عبده حكمي

ياسلام عليك

[يحيى المشعل]

لاتقتـــل أحلامي

لاتقتـــــــل أحلامي يبـــــــه وأنـــا صغـــــــــيره
ولاتجعــــل الحســـــــره وسط نفسي الكسيره
ولاتجعـــــل الصـــــــدمه يبــــــه منــــــك كبــــــيره
لاتــــــزرع أحزاني وترميــــــــني لشـــايب

الـــــــــــوقت يـــابــــــوي والله قـــــــــاسي
أهدانــي همي والحــــــزن والمآسي
شفني أنا يابـــــــوي قد شـــــــاب راسي
طفله وأنا يابـــــــوي ذا الـــــراس شـــــــايب

يابنت سمعي الهــــــرج في الأمــــر خيره
بيعيشــــــك في وســط قصــــــره أمــــــــيره
ولوهو يمـــــــوت تلقي مع الــــــــوقت خيره
ينسيـــــــك هـــــم الوقت ويـــــا المصــــــــايب

يابـــــوي أنـــــــا أرجـــــــوك بالله تفهـــــــــم
دامك لأمري كنت في الماضي تهتم
لاتهــــــدني الحســــره مع الهــــم والغـــــــم
أرجــــــوك أنا يابوي خــــــل الـــوقت طايب

برضى معــــــك لو راس مـــالك حصــيره
بأعيـــشهـا فـــرحه ولـو هي قصــــــــيره
فرحة عمر تكتب لي ضمن المسيره
بعيشبــــــك وأشــــوف هالــــوقت هـــــايب

يابنت قصــــــري الهـــــرج ماعاد ينفع
دامه لفـــــاني وللمهــــــر قـــــام يدفع
والله محــــدن فيك هاليــــــــوم يشفع
بتـــــاخذينـــــه بالرضـــــا أو غصــــــايب

يابـــــوي وين الحب وين المعـزه
وين الرضــــا والطيب في كل حــزه
ياأغلــى أنا منهــــو أحــب وأعـــــــــزه
ليــــه الرجـــــا قد صار هاليـــــــــوم خايب

والله أنا يــــــابـــــــوي مــــاعــــــدت أدري
الصــبر يخـــــــذلني وقـــد مـــــل صـــبري
آهٍ على حظي وفرحي وعمـــــري
أواه يــــــاقلبن من الحـــــــزن ذايب

يمـــــه ويانبضـــــي ويـــــــاروح روحــــــي
ياعـــــالمه بســــــري قبــــــل نطق بوحــــــي
ودي بحضنك ضمــــدي لي جروحي
ماعـــــــاد لي غيرك ياأغلى الحبــــــايب

يــــابنت والله هالفــــــرح صـــــار مســــروق
من وسط قلبن صار بالهــــــم مخنوق
يافــــرح قلبي وبسمتي وخير منطـــــوق
لجـــــلك أنا يـــــابنت شلــــت الصعـــــــــايب

فيني من الأحزان أضعاف حزنك
لوهو بيــــــدي قد شلت هالهــــــم عنــــك
إنت الرجــــــا والطيب من صغــــر سنك
بس الـــــزمن شفنــــا بـــــدربه عجـــايب

يالله يالمعبـــــــود أنا أدعيــــــك وأرجــــاك
ولاخــــاب منهـــو قد قصدك وترجـــــــاك
يالله عسى من باعها تحرمه رضاك
تهـــديـه همــــه والعنـــــــــا واللهـــــــــايب

عبده حكمي

[يحيى المشعل]

الرِيــــــمْ

للريم عندي عن باقي الناس منزال
فيها الوفا ماهو في إنســــــان ثاني

أعــــزها وفــــــــوق المعــــــــزه لها إجلال
وتضيق بي دنياي لو هي تعاني

فيها العقــــل راجح على عقل رجـال
وفيها المعاني طاغيه في المعاني

في حكيها مايــــذهل عقول عقـــــــال
وفي صمتها مايعجــــــز وصفه لساني

لوقلت إنها تنضـــــرب فيــــــها الأمثـــــــال
ماكنت أبــــــــالغ لا ولانــــي أنــــــاني

يــــابسمـــةٍ تحمــــــل بــــراءات الأطفـــــــال
يانبــــع صافي يرتـــوي به حنــــــاني

يالريـــــــــم ذكرك داخــــــــل الـــــــروح لازال
يذكرك فكـري نبـــــض قلبي وشرياني

يافرحــــةٍ في داخـــــل النبـــض تختـــــــال
تسقي عروقي من الفرح والأماني

والله لـــوأكتبـــــك من طيـــب الأقـــــــوال
مانـــي بَـــوَصِـلِكْ ولاربـــع إمتنــــــاني

ماأنســاك والله إن قصر عمري أوطال
لأن الوفـــــا لأجـــــلك ماهو عشــــــاني

تبقي معي إن كنت نازل ورحــال
وتبقي من أجمــل ماأحتواهم كياني

يانبـــــضُ قلبٍ له الشريــــــــانُ قد مـــــالَ
أحيـــــا الفــؤاد به نبضي فأحيــــــــاني

يــــــاوعدَ خــــــلٍ به الأقـــــــــوالُ أفعــــــــالَ
قد حل بي شوقي فهز اليوم أركاني

جيتك وأنا أعــــــــزف من الفــــــرح موال
وأزف لك أجمـــــــل وأغلى التهـــــاني

يالله عسى الفـــــرحه لكم دايماً فــــــال
وتلقي السعـــــاده درب ياأجمل زماني

ماأنساك وبأدعي لك على كل الأحوال
يالله عسى مايـــــــــوم بعمــــــرك تعــــاني

عبده حكمي
انيق
وجميل

[يحيى المشعل]

لوني المفضل : Blackرقم العضوية :24267تاريخ التسجيل : 08 2008فترة الأقامة : 1594 يومأخر زيارة :المشاركات : 1,634 [ + ]عدد النقاط : 23068قوة الترشيح :

لاتفرحو ياأذناب إيران

القلـب يحــــــزن ويتبــــع الحـــــــزن آهــــــات
ويبقى الأسى في وسط نفسي الشقيَّه

تنسى الأسى وتذرف الحزن عبرات
وتبــقـــى بحكـــــــم الله دايـــــم رضيــــــَّه

مامات نايف حتى لو كان قد مات
يبقـــــى هنــــا صيتـــه وذكـــراه حيـــَّه

محـــــارب الإفســـــــاد ممحي الضلالات
نـــاصـــــر كتــــــــاب الله وسنــــــة نبـيـَّـه

رجل(ن) بنى في عالي المجد هامات
قـــد طــــاول الجـــــــــوازاء ثــــــم شــــع ضيــَّـه

لاتفـرحـــو ياأذنــــــاب إيـــــران بالـــــــذات
الدين باقي في ظل حكم السعــوديَّه

مــامــــــات من خلـــــف رجـــال المهمـــات
رجــــال(ن) مع الشـــــدات تبقى قويَّه

يبقى الأسد وإن مات له صوله وجولات
ويبقـــــى على نهجـــــه شبـــله وخيـــَّـه

هنـــــــا محمـــــــد له مع المجـــــــــد وقفـــــــات
يــــــاطا عليــــــكم يلحــــق الجــــــــرح كيــــَّــه

تبطون ويبطي كل نذلن وشمات
حب الوطـن وســـط القلـــوب الوفيــَّـه

والله ثـــــــم والله وأقســــــــم بآيـــــــــات
قرآن رب الكــــــون رب البريَّه

لو يطلب الموقـف مــــــع الوقت وقفــــات
قدمت لك ياوطن روحي هديّه

الكل نايف دون حـــزب وشعــارات
الكل بأمـــــــــــر الله وسنــــــة نبيــــــَّــه

يالرافضي عيش العمر في جهل وسبات
وخــــــل الجهـــــل ينفعـــــك وقــت المنيــــــَّه

مامات نايف حتى لو كان قد مات
يبقى الوطن شامـــخ ونفسه أبيـــَّه

يــــالله ياخالق السبـــــــع السمـــــــــــوات
ياحاشــــــرن كل البشــــــر بالسـويــَّه

إغفـــــر لنايف وإبعثــه وسط جنــــــــات
وإسكنـــــه في الفــــردوس ويا نبيـــَّه

وإحفـــــظ ملكنـــــا وجنبه كل وعكات
وإبعد وطنَّا عن الفتن والأذيَّه

عبده حكمي

[يحيى المشعل]

تبقي ياشام حية

تبقين ياشام حيّة

النفس طابت ولاهيب بتقبـــــــل أعـــــذار

لأن العــــذر وقت الشدايـــــد خطيه

مازاح هــــــم إلا بعــــــــزم(ن) وإصرار

ولا طـــــاب عيـــــش إلا لنفــــس رضيـــه

يمه تـــــري ولدك رجــــــال قد صــــار

صابــــر على همـــــــــه عزومه قويـــــه

مايرجعه لا كيـــــد حاســــــد وغــــــدار

ولا يثنى عــــــزمه غير وقت المنيــــــه

والله لونفنى صغــــار(ن) مع كبار

مـــاهمـــني لــو رحت لجلك ضحيــــه

يمه ولا تبكين من حكــــم الأقدار

حكم القـــــدر من حكــــم رب البريه

لايحزنك مـــوت الطفـــــل بيــــــد كفــــــار

ولا يزعجك لو مات خي(ن) لخيه

مامات من نهجه على نهج الأخيار

ولا مـــــات من نفسه صدوقه بريـــــه

مـــادام قمنـــــا كلنا نحمـــــــل شعـــــار

لا ظلــــــــــم لا تعــــــذيب لا للأذيـــــــه

والله مانرضى ولو صــــار ماصـــار

لأن الرضا بالظلـــــم خصله رديـــه

الله أكبر لا عــــلا صـــــوت الأحــــــــرار

ينزاح ظلم ويشع في الكون ضيه

الله أكبر فــــــوق ظــــــــالم وجبـــــــــــار

الكل يفنى وتبقي ياشـــــام حيه

والله لو يلفــــــي لنـــــا ألف بشــــــار

يمــــــوت كلب وتبقي حـــــره أبيـــــه

يانفس صبرك لو يجي المـــــوت تكرار

ماهمني لو شلت روحي بيـــديه

ياشـــــــام ترخص لك هنا كل الأعمـــــــار

يفداك كلي جــاك عمــــــري هديه

هذي مشاعر طفل من ظلم قد ثار

وناصرت الشام أيضاً
كريمٌ أنت