1) بان بيض lol
[OVERLINE]
الطريقه والمقادير:
1_نخلط (بيضتين +2م كوسا مبشوره +2م بطاطس مبشوره +بقدونس مفروم+ملعقه كبيره طحين +جبن مبشور+نص ملعقه صغيره بيكنغ باودر+نعناع +ملح وفلفل وبهارات)
2_ نلاحظ قوامها بيكون ثقيل وهذا هو المطلوب
3_ نسخن التاوه او المقلى التيفال ونحط بمقدار ملعقه من الخليط ولمايستوي نقلبه عالجنب الثاني لين يتحمر
وبيطلع المقدار من 6 الى 7 حبات بان بيض
.........................................
2) كريب البيض lol
الطريقه والمقادير:
1_نخلط( لكل 3 بيضات ملعقة طحين +ملح )
2_ نصب بمقدار 50 او 60 مل من الخليط بالمقلاه واذا تحمرت نقلبها عالجهه الثانيه لثواني بسيطه بس طبعا اول وحده ماراح تضبط
وكل ماكانت رقيقه كانت احسن
3_ نجي للحشوات احشيها باللي تبين وانتو بنات الاقلاع ماشاء الله مبدعين
الاولى جبن موزاريلا وفلفل اسود ورد شيلي
والثانيه لبنه وزيتون
والثالثه جبن سايل وجرجير
الرابعه جبن سايل وزعتر واخر حشوتين صراحه اهم الافضل
4_ نلفها زي الكريب او نطويها وتقدم
.....................................
3) العجه
الطريقه والمقادير:
1_ نخلط(بيض +طماط وفلفل اخضر وبصل مقطعين صغار+نص علبةجبن مبشور +فلفل وملح وبهارات)
2_ نسخن المقلاه ونصب من الخليط بس مانكثر ونقلبه عالجهتين
3_نحشي كل قطعه بباقي نص الجبن المبشور
4_ ونزينها بجبن سايل
...................................
4) بيض التورتيلا
الطريقه والمقادير:
1_ نخلط( بيضه +فلفل اخضر مقطع صغار+حبة جبن كيري+ملح وفلفل)
2_ناخذ حبة التورتيلا ونحطها بمقلاه وندهن اطرافها بجبن او بطحين وماي
3_نصب الخليط بوسط التورتلا ونحط فوقه تورتيلا ثانيه ونسكرها باحكام من الاطراف ومو مشكله لطلع جزء من البيض من الفتحات
4_نحطه على النار ونكون يمها لانها تستوي بسرعه وماتطول
5_بعد ماتستوي نقسمها ارباع وتقدم
وهنا سويتها بالتورتيلا الحاره وطلعت إنما إيه
.................................................
5) بيض بالفليفله
الطريقه والمقادير:
1_نخلط(بيض +كوسا مبشوره+جبن مبشور+ملح وفلفل)
2_نقطع شرايح عريضه من الفليفله
3_ نسخن المقلاه على درجه عاليه عشان اول مانصب البيض مايطلع برى بعدين نوطي عليه
4_نصب بكل شريحه شويه من الخليط واذا تحمرت من تحت انزلها بالفرن واحمرها من فوق وتقدم
...................................
6) بيض بالبف باستري
الطريقه والمقادير:
1_ نحط شرايح البف بقوالب الكب كيك الصغار
2_ نخلط البيض ونصبه بالقوالب طبعا كل بيضه تسوي لنا حبتين بف
3_نحط عليه جبن كيري وفلفل اسود
4_ ندخلها الفرن لحد ماتستوي وتقدم
..........................................
7) بيض بالسبانخ
الطريقه والمقادير:
1_ نسوي حمسة السبانخ العاديه مع بصل وثوم وبهارات
2_ اذا استوت نحط عليها البيض وجبن سايل ومزريلا
3_نغطيهم لحد ماتستوي وبالعافيه
........................................
8) بيض باللبنه
الطريقه والمقادير:
1_ نخلط البيض ونحطه بالمقلاه ونحركه واذا قرب يستوي نحط عليه اللبنه والزعتر
وبس
...........................................
9) بيض بالفلافل
الطريقه والمقادير:
1_نكسر البيض بالمقلاه ونضيف له الاجبان اللي نبي ونفتت عليه الفلافل
2_ نحركه لحد مايستوي
طبعا هنا عجنته عجان بس الافضل تقطعون الفلافل كبار
10) بيض البيتزا
الطريقه والمقادير:
1_ نقطع بصل وطمام وفليفله حلقات ونضيف لهم زيتون وبهارات ومعجون طماطم وشوية ماي
2_نخليهم عالنار لين مايتسبكوا
3_نضيف الاجبان والبيض والزعتر ونغطيها لحد ماتستوي
برب
11) بيض بالسويده
الطريقه والمقادير:
1_نخلط البيض مع جبن كرافت وشوية سويده
2_نحركهم لين يستوون وبس
الاسم غريب شوي بس الطعم ختيييييير
برب
12) بيض بالبطاطا المشويه
الطريقه والمقادير:
دايم اسوي هالوصفه من بقايا البطاطس بعد جمعه شوي
1_نخلط البيض مع جبن شرايح والبطاطا المشويه
2_نحركهم لين يستوون وبس
لاتستغريبون من الوصفه انصحكم تجربونها لان الطعم رووووعه
....................................
13) بيض بالزبده
[OVERLINE]
الطريقه والمقادير:
هذي صراحة بنتي المدلعه احووووبها بشكل مو طبيعي مع انها دسمه بس تستاهل
1_نسلق 5 بيضات ونقطعها صغار
2_ نحطها بمقلاه ونضيف لها علبة جبن كرافت الصغيره مبشوره وربع زبده وشويه ملح
3_نحركهم بشويش لحد مايذوب الجبن ونقدمها
برب
14) بيض البيتزا 2
1_نسلق البيض ونقطعه صغار ونصفه بالصحن
2_نسوي صوص البيتزا المعتاد ( طماط وبصل وثوم وماجي نفرمهم بالخلاط ونطبخهم عالنار)
3_نضيف الصوص عالبيض
برب
15) البيض الصيني
الطريق والمقاير:
1_ نشوح على النار مفلوف وكوسا وفلفل اخضر صغار مع صوص الصويا وفلفل حار لحد ماتطلع الخضار مويتها وتنشف شوي
2_نوزع الخليط بقوالب السوفليه ونضيف له جبن كيري ونكسر عليه بيضه ونضيف فلفل اسود
3_ندخله الفرن لحد مايستوي ونختبره بعود اسنان زي الكيك وبالعوافي
برب
16) البيض المخبوز
الطريقه والمقادير :
1_ نخلط(3 بيضات +جبن مبشور+50 مل حليب +ملح وفلفل)
2_نقطع التوست عشوائي ونغمسه بالخليط ونصفه بحله
3_نصب باقي الخليط على التوست وندخلها الفرن لمدة 8 دقايق او لحد ماتتحمر
وبالعافيه وكانت هذي اخر وصفة ..
|
 |
رد مع اقتباس
