خلني جرح(ن) بكى ، مهما تعاظم لاتضمه
خلني دمعة مواجع ، بس دمعك ما أبيه
خلك بعيني كبير( ن) مايهاب المدلهمة
أنت ياللي لا اظلمت ،تنصاك بشوت ووجيه
حظي اللي ماصدقني يوم ،وش وداك يمه؟
ليه من بد البنات تحبني بالذات ؟ ليه
ايه احبك، بس مابي لك حزن والا مذمه
وانت .يا ابن الناس طبعك .واعرفه ماهو سفيه
روح يابن الجود ياعزوته ياخاله وعمه
مالك ومال الهوى ، اهجره يا الذرب النزيه
واما انا لاتخاف، قسمي من ( الحيا) الله متمه
أسأل الله مايضيّعني ، و ابتوكّل عليه.
حياة

ويل قلبن لاذكرها ثارة أوجاعه ودمه
وانتفض من هامته لين المكان المحتويه
والله إني راس راكد لو بلغ بي الوجد قمه
مايقول المسعري وثرثرة سعد الفقيه
في حكم اخوان نوره وإنهم من غير ذمه
وإنهم آل السلول وإن فيهم ذا وذيه
وإنهم شالو حلال الشعب من دقه لجمه
ولابقا في شبه الجزيره شبر ماصكو عليه
والله إنها لا طرت لي قلت مرحب حي ياامه
من خفوقن حل حبك في شرايينه وفيه
اعشقك حد الجنون ياحلا الحب ومتمه
وإني خبلن دون حبك كل ربعه تزدريه

نواوي

آه من قلبن حزينٍ قد علا مــــع الوقت همه
مانسى خله ودايـــــــــــــم هربتـــــــــه منه إليـــــــه

أذكره دايـــــــم وطيــــــفه يمرني وبالحيــــــــل أضمه
أعشقـــــه ونبضي بفــــــؤادي والله إنه مشتريه

ياحبيبن قد تعلا مالكـــــن نبضي ودمــه
كيف أنا بحيـــــــــا بدونك والعمـــــــــر دونك ما أبيـــه

والله إني جيتــــــــــــــك بعـــــزمٍ وإصرارٍ وهمــــه
منهو غيرك قد قصدته وصار كل أمــــــــري بيديه

دامها الدنيا بتمضي والليـــــــــــــالي المدلهمه
وش بقى في العمر لجل إني أتحسف عليه


حكمي



سمني ظلم الحياة ولاسمي اللي تسمه
وافي قلبي واعرفه مطلق(ن)حر(ن)نزيه
الغرام البحر ظالم وأنا ما اطيق المذمة
ولأيطيق الظلم قلبي كيف بالله أشتريه؟!
والله إن ودي بقربك احتوي قلبك وأشمة
بس عاقل خاطري يقتلع الف(ن)سفيه
نزوة العاشق توريه السعد في ثوب ضمة
والله ان شقوة حياته بعد قربه تحتريه
ياكريم الطبع سافر وأجمع شتاتك ولمة
اعرفك حر(ن)كريم)ن)صادق(ن)واف(ن)نزيه


محاكيكم


كان لهذة الأبيات تأثري علي أخي فكتب لنا على نفس الوزن والقافيه

سأجلبها لكم بعد قليل