الشعر عقد القوافي في نحر بنت السطور
انتثر لجله غرايز واعتكف له لين اتمه

كاس خمرن في يدين الجن يشربه الجسور
يرفعه نيشان نصر بكل عز وكل همه

يصور بكل المعاني ما على الساحه يدور
من مخافت رب غافر لا انتكاست كل امه

صاحبي ارحب وحيك لك نحرت اغلا البكور
ولك سكبت الكاس صافي مايزمه من يزمه

ومرحبا اهل المكان وياهلا بكل الحضور
دام ميدوزه ذرانا كلنا انردد ياعمه

لو يزمجر من يزمجر ولو يثور اللي يثور
تبقي انتي بس انتي لهامة الامجاد قمه