نار وجمر
العتب ماهو لجل حجب البريد
العتب تكفيرة اللي ما كفر
انت ياراعي المثايل والقصيد
طالع اللي انكتب ولا انذكر
مااقول اني انا ذاك الحميد
يوم ربي حطني بصورة بشر
بس نفسي مااتولع في بعيد
ولاتحب بظرف ساعه ولاشهر
ملتهي في دنيتي عايش سعيد
محتضن في ضلمة الوعه قمر
جادلن له من حياتي مايريد
يومه اجمل ماتقدر من قدر
مالكني من الوريد الي الوريد
لو خفوقي بعشقت الغير احتضر
هو قديمي في حياتي والجديد
في الصحيح وفي البخاري والاثر
سيد اهل الحب والعشقه وسيد
من ملكني بالنواظر لا نظر
بس تذكر يوم كنا في القصيد
انتبادل بعض وجهات النظر
زارني مرسول في فحوه شديد
صور الرجوه على هيئة زجر
قال حدك لا تجي هذا البريد
قلت ابشر صاحبي تأمر امر
يشهد الله جيت قصدي استفيد
ولالي علمن غير هذا ولا خبر
قال اسف بس تدري ياسديد
المولع غيرته نار وجمر
|
 |
رد مع اقتباس
مااقول اني انا ذاك الحميد
المشاركة الأصلية كتبت بواسطة صادق البوح
