لا واهنيك داله ٍ يآسعود
تمشي وقلبك دآيم ٍ سآلي
مالاعك اللي لاعني ياسعود
ولاجرالـك ما تـهـيالـي
ما صوبك راعي العيون السود
ولا شكيت مفآرق الغالي
اسهر وكل العالمين ارقود
ودموع عيني تهمل اهمالي
اللي نبيه ما عاد به مآجود
ياسعود هذا منزله خالي
ماهو بقصده يوم راح اصدود
لاشك هذي دبرت الوالي
يالله عسى هاك الزمآن يعود
وترجع ليآلي ضآيق البآلي
بس اتحرى يومه الماعود
حالي قضى ما عاد به حالي
أنا وياك يالحرمان في الدنيا غدينا اخوان
مسيرتنا سوا في كل حاضرنا وماضينا
مشينا فوق درب السهد والآلام والأحزان
حيارى في خضم التيه ماترسي مراسينا
تباشير السعادة عن نظرنا لفها النسيان
وفوق اهدابنا ماتت من الحسرة أمانينا
على درب الألم تمشي مواطينا على النيران
ظلام الياس ينشرنا على حبله ويطوينا
ترانيم الهنا في يوم مولدنا غدت صلبان
صلبنا فوقها من غير ماتجني أيادينا
تعوضنا عن البلبل وشدوه نعقة الغربان
وعن غصن الزهر غصن بعكف الشوك يدمينا
هلا باللي يبي ينظر شقوة الإنسان
يجي ينظر تجِسدها بكل اطوارها فينا
الأمير / عبدالله الفيصل رحمه الله .
(( اللهم إني أسألك الفردوس الأعلى وماقرب إليها من قول وعمل ))
ضوابط المشاركة
رد مع اقتباس