أحبتي مرتادي منتدى صامطه يشرفني ان اكون معكم هنا
في هذه المساحه الشاسعه التي وهبت لنا كرما من ادارة هذا
الصرح الشامخ لنبحر حيث نريد ومتى نشاء في خوالج الروح
وزفرات الزمن نحاكي ونناجي تلك الوجدان القابعه خلف اسوار
الصمت .. الوجد.. الحنين... الذكرى
متمردين على جبروت الألم نرتوي نزف الدم والدمع
الذي جرت به ريشة اقلامنا........
السحاب اللي تراكم كل ما وجهت يمه
خلته امزونٍ بتمطر قلت يالله احتريه
ياطير وقع فوق صدري وانا حي
ودور معاني الحب يمكن تجدها
هاك العشب ياطير والماء والفي
كل المعاني لك خفوقي سردها
خذ ماتبي ياطير ماخفيك انا شي
انت الهنا للروح وانته سعدها
وانت لعيوني ياهوى البال كالضي
لاغبت عني صاب عيني رمدها
الصوره اللي بخاطري لا تحول ولاتزول
لامن طرت غصبن علي فكر العنا يعنالها
بين الحقيقه والوهم وبين التطفل والفضول
لا دندنت في خافقي رديت انا موالها
رغم اختلاف الأزمنه مايختلف وجه الفصول
اصبها في لوعتي وتردني لدلالها
بنت الربيع المورقه اخة الخريف اللي يجول
في قيض صيفن ضمني اشتاق برد وصالها
كن السحاب اللي انهمر يروي الفيافي والحقول
مر وتركني للمحل بين السنه وعيالها
ياجمل قصيدي تغنى في وصايفها
اللي لها الروح مثل العين مشتاقه
اشرح مفاتن حلاها وكن شايفها
وسطر غلاها على الديوان واوراقه
عط نفسي اللي تحب اروي شغايفها
والطرف متع نظره بخاطف احداقه
من ارضى تاطى لعاليها ونايفها
لآخر حدود الجمال وسالف اعراقه
من عيونها السود والشهد بشفايفها
لمضغ ريقٍ زلاله في ترياقه
لشعرها الليل كاسيها ردايفها
لخصرها اللي تقول تمارس لياقه
لنحر اتلع عديمٍ في طوايفها
لجيدها اللي فتني وافتتن ساقه
لهمسها الجد لنعومة طرايفها
لخدها اللي كسته من الخجل باقه
لثمرها اللي مصون في رفايفها
لجبينها اللي تقول الصبح واشراقه
لأيات سحرٍ عظيمه في عطايفها
لستر شيٍ عطته الغنج ميثاقه
ياحظي اجمع حلاها في لفايفها
واكسب من الوقت اغلا درة اسواقه
يالصوره اللي معلقه كان بجدار
هو طيحك وإلا معا الوقت طحتي
ختيرتي وإلا جدارنا صار ختيار
وإلا نساك الوصل إلين رحتي
كنتي لنا من باقي الحب تذكار
أسمه حبيبي ناحته فيك نحتي
لاشك من يأمن تصاريف الاقدار
ياروحي ياللي من عنا لبعد صحتي
راح وأخذ صورته من جدر الأبصار
وآآ سدك اللي من لضى الشوق بحتي
إلين سيح جامد الصبر وأنهار
ياحظي ياللي صاب بالوقت سحتي
لحظة سكون وهزها ضرب اعصار
يالصوره اللي بجدر الأحداق طحتي
أحرجتها بذاك السؤال ودهتني
بروح التفنن في وصول الاجابه
إجابة لأخر حدودي خذتني
مثل الفراق اللي طواني كتابه
ويلي عليها من هدبها رمتني
بأجابة فيها غموض وغرابه
مدري خذتني عشق وإلاعطتني
درس بنواظرها وتدفع حسابه
يوم اليالي للتلاقي دعتني
اخذت من درس النواظر صوابه
الله عليها قادره لا بغتني
جتني شموخ وعنفوان ومهابه
حتى معا قلبي وعيني احرجتني
فيني الخجل عرق وبلل ثيابه
وينك اليله حبيبي كل ماحولي يبيك
كل مااطالع بحاجه يرتسم فيها سؤال
المرايا والهدايا كلها تسأل عليك
كل ركن وكل جلسه وكل ماحولي يبيك
دمعتي حارت بعيني وابتدت تبكي سنيني
من غيابك من عذابك لهفتي زادت انيني
كم شكيت الشوق لكن لنوافذ والحديد
كم رفضت البعد لكن الزمن قاسي عنيد
مالي حيله في غيابك ولا امتلك حق بعتابك
غير اطالع في اليالي يمكن الحاظر لفابك
حالتي صعبه بدونك والنواظر يرتجونك
كل نبضه فيني تسأل لامتى تنزف طعونك
جاوب اللي عاش حاير انت غايب انت هاجر
جاوب اللي صار بعدك مال حزنه اي اخر
جاوب بكلمه حبيبي كان عندك لي جواب
واطفي الشوق ولهيبي داوي بي جرح ومصاب
كيف رحت وليه رحت وليت غيري مادرابك
ولا ظهر فيني عذابك من همومي والمقدر والجروح اللي في غيابك
يداعب موج اشواقي حنيني ولهفتي يمك
تسافربي رياح الوجد على موجات اشواقي
حبيبي والدروب جروح يهون العمر في ضمك
اكيد بشوفتك انسى مدى همي وارهاقي
اكيد ان جيت لعيونك واكيد ان رحت في همك
لأنك فرحتي واصدق قصيدة عشق بأوراقي
حبيبي والحواس الخمس تبي ريحك تبي شمك
تبي لمسك تبي سمعك تبي الاحساس باعماقي
حبيبي فدوتك كلي من ماطاك الي كمك
مكانك يانظر عيني بين النون واحداقي
احبك
احبك كثر مايوجد بها العالم غلا وشعور
احبك
كثر ماتمطر سماء الدنيا وتسقينا
احبك
كثر غلطاتي وكثر العفو في الجمهور
احبك
قد ماقلبك يحب قلبي وشارينا
احبك
كثر ماطارت معا نور الشروق اطيور
احبك
كثر افراحك واحزانك وماضينا
احبك مثل ماحب العراق مفارقت صدام
وبدل بوش للطاغي احكامه ودستوره
ولكن ماابي حبك فوضا حرب او اجرام
مثل مايفعله شارون بدم القدس وصخوره
احبك حب من فارق بلاد الكفر للاسلام
واعلن توبته لله واهل الكفر مدحوره
ولكن ماابي حبك كالتصريح للاعلام
كلامٍ بس وحروفٍ على الاوراق منثوره
إما تجي بحساس وإحساس انا اجيك
وإلا تروح وينتهي العلم كله
اهمس لك بصوتي وابي همس خافيك
وإن جيت بسكت ردد القلب قله
مافيه احلا من وليفٍ يحاكيك
الصمت حرم شي والبوح حله
تهت بين الصدق وجروح الصحاب
تقترب من شخص وده يبعدك
احترقت إلين قلب الحب ذاب
كيف تهوى شخص ماهو مسعدك
وأقتنعت اعيش في دنيا العذاب
وحكمتي لا تقعد إلا بمقعدك
دام مالك خل وجروحك عطاب
كيف قلي كيف تهنى بمرقدك
ماخبرت بعاشقٍ يطرد سراب
ولا وصلته من غلاتك يجحدك
ولاخبرت بهرجة العاشق كذاب
غير شخص مادرى وش مقصدك
أعذريني لوسألتك
من تودين ومن تحبين
كنت تايه في الجروح
كنت مدري وين اروح
ماشعرت ولا دريت
الا انا اسأل وابوح
بي من همومي كثير
من ضنوني صرت اغير
ليه شكي وليه خوفي
ليه انا لصمتك اسير
اعذريني لاقسيت
غير حبك ما بغيت
بس بي شك وغيره
واسئله مره كثيره
هي لها بقلبك جواب
نبتدي ندخل عتاب
الخطاء قولي خطاء
والصواب يبقى صواب
اعذريني
مشتاق لك
مشتاق لك وانته قريب
واشتاق اكثر لو تغيب
جنبك انا احس الامان
ولاعاد اخاف من الزمان
ماعاد ابي الا معاك
حولك انا جنبك وراك
ودي اصافح لهفتك
احضنك واخذ شفتك
انام بأحضانك واذوب
انسى معك هم وشحوب
صار الغياب عنك محال
والصبر فاق الاحتمال
ماهي مسافه بيننا
انته هنا وانا هنا
ترى المسافه كلها
إنا نصارح بعضنا
ياصاحبي انا عجول
والخوف صمتك لايطول
واحس اني في دنيتك
مالي مكان ولا قبول
حبر وورق
تعالي اقرالك قصيد
شي كتبته بالوريد
كتبت لك علم اكيد
نابع من احساسي الفريد
تعالي
اقري لي قصيده
كتبتها اليله جديده
كتبتها وانا بعيد
عن شوفتك جالس وحيد
رغم انهم حولي كثير
هذا يتابع نظرتي
وهذا يقولي وش تريد
وهذا يقولي وش بلاك
منك ترى ضايع سلاك
منته طبيعي وش جرى
تعالي
شوفي لهفتي
مربوك حتى بجلستي
ما غير انا وحبر وورق
جالس واكتب قصتي
ابحري في عيوني في هدوء وسكينه
سافري فوق مركب لك حنين وغرام
ودعي ذكرياتك وافعلي ماتبينه
كل ما حل جرحٍ زاد فيك اهتمام
لك عيوني مواني والحشاء لك سفينه
سافري وانزلي بي لك حياتي مقام
اسمعي عزف قلبي يشتكي لك حنينه
وشكلي من جروحه لحن عذب الكلام
انثري الف ورده في روابي جبينه
واجمعي ذكرياته وانثريها هيام
سافري لا نويتي كل دربٍ تجينه
واحملي من خفوقي لك تحيه وسلام
انتي اجمل عذابٍ عاش فيني سنينه
وانتي اغلا حبيبه وانتي اوفى غرام
مرحبا عد الكواكب مرحبا عد البحور
مرحبا ماخضر عود وزهرت ذيك الشعاب
مرحبا والكون كله شعشع بنورك سرور
وارقصت شم الرواسي وانتشت فرحه هضاب
حي فالك ياوليفن لك عن العالم حضور
طايبن من طيب طيبك كل ماحولك وطاب
قلب حبك وافتخر بك صار كله لك شعور
سطر اغلا امنياته في غلا شخصك كتاب
ياحلا طلت بهاتك ياكتمال البدر نور
ياول اخر من عشقت وفيه كل القلب ذاب
ياتثني الجيد غنج ويادلع خالط غرور
ياسفير العشق انت ويابعد تلع الرقاب
يامتلاء الردف زين وخصر زايد به ضمور
جادلن لامن تمايل ولع شيوخ وشباب
والله انك من بديت ولابقا لغيرك ظهور
كن كل الزين كله استحى منك وغاب
اسكن بواسع خيالي والعب بذيك الصدور
دامني مالك زمامك لا بهاب ولا تهاب
لو ترقص كل حي وترتجف تحتك قبور
فتنتك طهر البرائه وعزتك ذاك النقاب
اعشقك واعشق طعونك اظلم بخلك وجور
تل قلبي من مكانه عل موتي لك ثواب
ياوليفن موت احبه لو يصد ولو يبور
ماتزعزعني الشدايد ولا تفرقنا النواب
اول بدايات الامل درب الرجوع المستحيل
وآخر نهايات العذاب قلبن وصل للهاويه
على انكسارات العنا بانت خيوطن للرحيل
وبعد انفراجات الاسى باتت تضيق الزاويه
يازلزلة ارض الحزن يازعزعة صمت العويل
الي متى في رشدها تهيم نفسي غاويه
يارجفة صدورن بكت يادمعها اللي بي يسيل
ياضيقة في داخلي اسألك بي وش ناويه
سبعن على عشرين عام وانتي تشبي بالفتيل
يمناك فيها حسرتي ويسراك حد الكاويه
اشوف كلي يشتعل ظلما بها لليلي طويل
وبيوت فرحي داخلي رغم احتراقي خاويه
عايش وحيد بدنيتي ضيفن على الغربه دخيل
حولي ملايين البشر لاشك روحي ذاويه
اخذت لي منهم سند واخترت انا منهم عميل
لاشك جرحن داخلي آيست آلقى مداويه
في رياض الغيد تلعب بالزماليق النفوس
ولا يميز في غلاهم البياض من السواد
لعن ابوهم في هواهم كل رجال يحوس
لا اهتنا بالنوم ليله عشر عايش في سهاد
احرجونا واتعبونا بالعبايا والدسوس
والنقاب اللي يماري بالتحدي والعناد
حربهم في العشق تدمي حربهم دايم ضروس
من تولع في هواهم عاش عمره في جهاد
من خطا في الحب خطوه يصلا نار او يدوس
شوك يدمي كل طرف وكل رجل بكل واد
من تولع كم تعذب وكم تعلم من دروس
كل عاشق في حياته من غرامه استفاد
وانت ياللي ماتفكر غير في جمع الفلوس
ماحكم في الحب مال ولا فدنيا العشق
ساد
كم هنوفن من غناها راكبه افخم جموس
والدريول من بلاد الهند وإلا بنقلاد
عطني غلاتك تمتع بي ومتعني
الروح بيدك على كيفك تمتعها
لاجيت احكي اشوفك ماتقاطعني
شارك سواليف مجنوك وقاطعها
مافيه شى بس ان قلت اقنعني
واوعدك ذاتك بكل هدوء اقنعها
اسمع سواليف قلبي لك وسمعني
نفس تحبك بااحبك منك سمعها
اطمع بقربي وفي قربتك طمعني
وانا اتسرق غلاتك يا اتطمعها
نوع بحسك وجودي ثم نوعني
حتى الاماكن تبي منك تنوعها
طوعها نفسك على قربي وطوعني
واذنك لعاذل هوانا لا تطوعها
يا انك ترجع سروري ياترجعني
يا اني اعاند سنيني بك وارجعها
لاتقول انك بثقلك ذا تسنعني
ترى الخطاوي تقدي اللي يسنعها
اسمع حبيبي ترى مابي تجرعني
هموم صدك على هموم اتجرعها
ياتضيع فيني وإلا لا تضيعني
وصدفة لقانا حرام انك تضيعها
شع بغلاتك شروق وثم شعشعني
وعين تحبك بشوفك دوم شبعها
ودي اتربع على كلك وربعني
باللي بروحك وترتح له يروبعها
ارجوك تكفا بقربك لا تتعبني
طالع عيوني تناظرلك وتابعها
اتصدق احيان احس انك توزعني
نفسك ضعيفه بحبي ضعف وازعها
لاصار قصدك بثقلك ذا تخضعني
لغير ربي اموت الراس رافعها
قبل المغادر وقبل انك تودعني
عود على شفاة مشتاقك وودعها
ضوابط المشاركة
رد مع اقتباس