انا لاجيت ابنسى صاحبي وانسى زمان فات
يذكرني طلوع الشمس محاولت نسيانه


يذكرني الغلا والشووق والنبرات والبسمات
مصيبه كيف بنسى الي وسط دمي وشريانه


يقولون الغلا ميت وان اقول الغلا ممات
ياكيف يموت وعروق الغلا بشووق رويانه


يموت الي عشق مثلي وترسخ داخله عبرات
ولا بنسى عشيق ترجح الكفه بميزانه

حقيقه ترسخ الذكرى وتبقى بداخلي الصفحات
مدام انا الوفا من طبعها والشوق عنوانه

الا يالي نويت السج وتدور على السجات
نصيحه حاول انك تقطف من الورد ريحانه

الا ياوقت يكفي محصل من لوعة الصدمات
دخيلك يازمن لايغرق المركب وربانه


انا عايش على سلك الامل حزه وراه حزات
عسى الله مايخيب من دعى الله عند بيبانه

الا ياهل الهوى مايذبح العاشق سوى صدات
يموت العاشق المغرم على نظره من عيانه

تخيل عقب هجرانه تجي به ساعه الصدفات
لاجى من شال نبره عين وقول مين جيت علشانه


جريمه واضحه بس انت ماتملك دليل اثبات
ولاتملك سوى دمعة حزن من عين سهرانه


عسى الي يلحق العاشق ملامه تلحقه لوعات
يطيح بحب ناس مايعين عندهم خانه


ويبلش بلشه الي حارت اقدامه على الوقفات
ولامنه بغى حلو الذكريات ووجدانه

وانا لاجيت بنسى صاحبي وانسى زمان فات
يقول القلب لاتنسى ربيع الحال واغصانه
........................................ يقول القلب لاتنسى ربيع الحال واغصانه ..