لاتحديني على هتك الرجوم وعفة القمراء
ولو عشقي وعاداتي بعيدات المراجيمي
انا مافيه لابيضاء ولا سوداء ولا سمراء
حنتني بالهوى وإلا خذتني عن مفاهيمي
اسير غايتي غيث وخيالي جرهدن قفراء
اوردها على كيفي مغاتيري مجاهيمي
اروضها مداهيم وعسفها كما شقراء
انوخهم شغاميم واعاندهم مقاديمي
على غفله من الأمي ولو نص الوحي إقراء
مراسيم تجمدها وتلغيها مراسيمي
حضنت البرد في صدر وشربت الشهد من ثغراء
ضيوفي تلع وضمر الخصور اول معازيمي
ولاهي غي لا والله ولكن كم ياعذراء
يرقصها تغنجها على عزفي تقاسيمي
ملكت قلوب وقلوب تحراني على جمراء
ووجيه كنت ما اعرفها وصارو من محاميمي
تقولي آلف لاقولي ضربت الألف في عشراء
وبتنا من ردى حظي انا وحواء مناديمي
ولكن من بديتي لي ورب الناس والأسراء
تقولي عثتي بصدري ونثرتي معاجيمي
اسوق القاف في غيرك وانا اللي بالحروف ادراء
وتصيري عطري وثوبي عقالي يامرازيمي
إذا كان البني نرجس فأنتي وردتي الحمراء
ولو حمرتك جمري اللي مذوقني مواسيمي
اخذتي ماضيي كله وصرتي بالجديد احراء
يا نيشان الغرام اللي تصدرتي مراقيمي
ياذنب/ن صار بي تركه مثل من يحرم الأجراء
لاصرتي عودي القاسي واغض مافي براعيمي
طلبتك لا تحديني آلوح للجفاء هجراء
ترين إن رحت ما والله افكر في ملازيمي