عندك طلب برنامج أو مشكلة بجوّالك ؟؟؟ تعال ... جلمود إن شاء الله يفيدك

[محناب]

الفايروس الاخضر
بعد اذن اخي جلمود ولاهان القاريين

قد مغصني وغلني هذا الفايروس مصيبه الله يصيب من صنعه
اول شي ينتقل من حاله بمجرد تركيب الذاكره المضروبه في الجهاز وخلعها
لا تثبيت ولا شاف ولا دري
بالنسبه للباندا يعميه
الدمعه يكره راعيه فيه بكثرة اعادة التشغيل
الفارس يرسل من هوسائط بس من غير اذن ارسال
اما الان 70+90 ميضرهاش بس لو دخلت من السلكيو على ملفات الجهاز تلقاها
مكرره كل مجلد 2 وبحجمه الين يستلمك طووووط الذاكرة ممتلئه
ياجماعه تشبحو ذيه الفضيحه الله يشله اللي اخترعه
أول شي تحذفه من الذاكره عن طريق السيستم ينحذف معك زي الحلاوه
تعيد تشغيل الجهاز يرجع مره ثانيه
(يلعب مع الواحد الدسيس)
لانه يحتفظ بنسختين من تطبيقه وحده في الميموري ووحده في البون اقصد الجهاز
وكل ماجيت تحذف اللي في الذاكره بعد التشغيل تنتسخ وترجع من اللي في الجهاز
وكل ماجيت تمسح اللي في الجهاز
يقول لك الملف مستخدم الا في الفارس (مكينة الحلاقه) في الفارس بهذي الطريق
يزول نهائيا
واما بقية الاجهزه فعليك بالتالي ههههههههه طولت عليكم صح ..
حاول تشغل الجهاز بدون ذاكره
والسلكيو لازم يكون مثبت في الجهاز عشان تدخل على الفايروس عن طريقه
وتمسحه ان قال مستخدم بالفعل تروح لضبط الرسائل الوسائط وامسح الضبط
وارجع للملف من السيلكيو C/SYSTEM/BOOTDATA
امسح الملف اللي باللون الاحمر انا كاتبه لك
هو احد ملفات النظام بس ماراح يتأثر بس اجباري تحذفه
عشان الفايروس ماينزل يتقهوى الا عنده ولو دخلتاه قبل ماتحذف تلقى (أخضر حنين يتقهوى عنده)
وبعدين ركب الذاكره ونسخ صورك ومقاطعك ونغماتك المهمه
في الجهاز وسوي لها تهيئه وبكذا تكون خلصت منه
وسبق وقلت اذاركبت الذاكره في الجهاز ينتقل على طول من الذاكره المضروبه الى الجهاز
والحين اقول لك ركب الذاكره في الجهاز يعني متناقض كلامي صح
بس العبارتين كلها صح ومش متناقضه لانه لما تركب الذاكره اخر مره في الجهاز يكون المجلد اللي يتنزل فيه الفايروس قد انحذف يبقى مسكين محشور لحاله في محله
لما تنقل صورك اللي الحين من زينها
وبعدها هيئ الذاكره وراح يشتغل تماموووووو ولاتنسى انسخ الــ mail مجلد الرسائل اقصد
عشان تحتفظ برسايلك لاتهيئها وبعدين رده واستبدل الملف
وللعلم اول ماجربت هذي الطريقه على جهازين الفارس والـ N07 ونجحت
وانا مجربها بيديني يعني لاحد يبلعس في جهازه على عماها
ويقول والله ياخي سويته الطريقه وماانحذف ..

وممنوع منعا باتا تركب الميموري في الكمبيوتر
لان الكاسبرسكاي والانتي فايروس والله مايقدرون فيه لانه في الجوال يظهر بصيغة exe
وفي الكمبيوتر يضهر على شكل مجلد ويكرر نفسه وكلما تحذفه يرجع واذا دخلت جواته يطيرك على طول على الصور والفيديو في المستندات ويمنع خاصية القص واللصق
وربي اكلت فيه مقلب عمري ما انساه اللي عنده برنامج DeepFreeze2000 منصب في كمبيوتره لايخاف من الفايروس يشغل البرنامج بس ويركب الذاكره وينظفها مجلد مجلد على راحته
ويسحب اليو إس بي والذاكره ويعيد تشغيل الكمبيوتر
يشتغل ماكأنه صار شي وبكذا تكون خلصت منه ومن شرحي طولت في الشر صح ؟؟
بس هذا كله عشان يفهم القارئ بقدر الإمكان ..



ولكم خالص الحب والتقدير