الطريقة الأولى:
فنجال سكر- فنجال زيت- بيضة وحدة – قشطة وحدة– ملعقة نسكافيه (او ملعقة كاكاو بودرة )
توضع في قدر على النار حتى تثقل شوي و بسرعة صبيها على الكيكة ووزعيها بالملعقة
وخليها تبرد على راحتها او تكون دافية بعدين قطعيها وقدميها<<<<<<< المعيار فنجال القهوة السعودية
ملاحظة انا احيانا اقطع الكيكة قبل احط الصوص علشان يسهل علي واحيانا لا وانتي براحتك
هذي الخلطة اخذتها من جارة اهلي الله يوفقها و يسعدها
الطريقة الثانية:
نص كاس شيرة (كوب سكر – نص كوب ماء على النار <<<<<معروفة)
نص علبة قشطة – نص كيس كريم كراميل – 1ملعقة كبيرة نسكافيه او كاكاو بودرة
اخلطيها مع بعض في زبدية <<<<لا تحطيها على النار
وشربيها الكيكة الحارة بعد ما تعملي فتحات في الكيكة علشان تدخل الخلطة
وغطيها بقصدير وخليها لحد ما تصير دافية وأنتي بكيفك إذا تبين تقدمينها وهي حارة
هذي اخذتها من مرة اخوي الله يوفقها
الطريقة الثالثة:
نفس الطريقة الثانية بس من غير قشطة
هذي من عندي مرة كنت مسوية كيكة وما كان عندي قشطة وقدمتها لصديقتي وعجبتها
الطريقة الرابعة:
2ملعقة طعام زبدة او زيت – 2ملعقة طعام طحين – بيالة سكر – 2ملعقة طعام مليانة بودرة شوكولاته – 1 كوب حليب<<<<<<<( 3 ملاعق حليب بودرة + 1كوب ماء )
نحط الزيت مع الطحين في قدر على النار حتى تتكون عجينة ثم نضيف الحليب و السكر والكاكاو ونحرك بسرعة و بشكل متواصل حتى يتجانس الخليط و يثقل و نصبها على الكيكة
هذي اخذتها من وحدة هنا في المنتدى ما أذكر اسمها الله يجزاها خير سوت فيني خير
الطريقة الخامسة:
3حبات جالكسي – ربع اصبع زبدة – نص علبة قشطة
حطي الجالكسي والزبدة في حمام مائي إذا ذابت حطي القشطة و حركي بسرعة ثم حطيها على وجه الكيكة
برضو اخذتها من وحدة في هالمنتدى الله يجزاها خير
الطريقة السادسة:
نص علبة قشطة – 3 جالكسي سادة
نضع القشطة مع الجالكسي في حمام مائي و عند ذوبان الجالكسي مع القشطة نصب الخليط على الكيكة
اخذته بعد من وحدة في هالمنتدى الله يجزاها خير
الطريقة السابعة:
ربع اصبع زبدة – 2 مارس – علبة قشطة
يسيح الزبدة على النار و يوضع عليه المارس و يحرك بسرعة ثم ترفع عن النار و نضع عليها القشطة ثم تصب على الكيكة
ايضا من وحدة في هالمنتدى الله يجزاها خير
الطريقة الثامنة:
3 فنجال سكر – 1 علبة حليب سائل ابو قوس او بوني او وادي فاطمة
نحطها على النار حتى تغلي ثم نضعها على الكيكة<<<<< مثل التوفي
بعد من هنا الله يجزى صاحبتها خير
الطريقة التاسعة:
توفي عادي وانصحكم بطريقة توفي ام عزيزان روعة الله يجزاها خير
الطريقة العاشرة:
3 بيالات سكر – 3 بيالات حليب بودرة – 3 بيالات الا ربع ماء (عبي بيالتين ماء والبيالة الثالثة حطي فيها 3 ارباع ماء )
1 ملعقة صغيرة زيت
تخلط مع بعض ثم توضع في قدر على النار لحد ما تفور ثم تتركينها على نار هادئه لمدة عشر دقائق
ثم تتركينه حتى تبرد <<<<نفس طعم الحليب النستله
اخذتها من قناة بدايه الله يجزى صاحبتها خير يحطونها مع البسبوسة وانا استخدمتها مع الكيك بعد
الطريقة الحادية عشرة:
نفس الطريقة العاشرة بس حطي معها 1 او 2 ملعقة كاكاو بودرة او نسكافيه بعد ما تشيلينها عن النار
الطريقة الثانية عشرة:
حليب نستله
الطريقة الثالثة عشرة:
حليب نستله مع 2 ملعقة كاكاو بودرة او نسكافيه
رد مع اقتباس
المشاركة الأصلية كتبت بواسطة أعشق الليل
