خابت الهقوات

[يحيى المشعل]

حبيبي كانهــا الفــرقا وكـانك مخـلـــف الهقـــوات

~~~~ تـريَــــض يـابعـد جـرح الغيــاب وروح مفـتونـــك

تعـال وعيشـني كــذبـه وصدِق كـذبتـك لحظـــات
~~~~ وصـــد الشـــوف لا مـروا يـتــامى كثر يبكــونك

وسـاير بـعضـك الغـايب وعطني من بعضه أوقـات
~~~~ وصـافـح بـالغـلا أمـسـي ونـقَض دامـي طعونك

أبـيــك تغـيـب لا جـنَـت ليالي الشوق والحسرات
~~~~ وأبيــك تـكــون أقـرب لي من الطعــنات وفتونـك

أبـيــك أوفـى من الموعد تجيني تسبق الخطوات
~~~~ وأبيــك تـخـون ميـعــادي ودرب الـوعــد وظنونـك

أبـيــك بـواقـعــي كـذبه خلقهـا الوقت والسجَـات
~~~~ وأبيك أصدق من إحساسي وطفل البوح بعيونك

أبـيــك النــار بضـلوعي وأبيــك بمهجتي جنَــــات
~~~~ وأبيــك النــور والعتـمــه وأبيك أفــراح محــزونك

أبـيــك الصـبح والفوضا وذكـرى ذكـرهـا مـا مــات
~~~~ وأبيــك الليــل والسكـنى وعمرٍ ضـاع من دونك

أبـيــك بـمـوعــدٍ ثـاني تسـولـف للأمـل بسـكات
~~~~ وتـزرع يــأس بـعيــوني حصــاده جرح مجنـــونك

أبـيــك بـغـفــوة جروحي تـصـحي للوجع آهـــات
~~~~ وتـرحــل في معاليــق الضماير يــوم يـســلونك

حبيـبي والغـلا منـفــى غريـبٍ بـردها حـــــزَات
~~~~ ولـفـحــه يجـرح وبــردي هبوبـه ساقت مـزونـك

وجيتــك ضـايـعٍ حرفي يـبــوح لبــارحـه همسات
~~~~ أشــد وأنــزل وبـعضــي ركايب شـوق يرجونــك

وتـرى منهو يتـوه أحيان في دروب الحكي بالذات
~~~~ تـشـقَــق بــه جــدار الوقت وحــده بس ويخونك

وتـرى مـاكـل وجـهٍ لا نــــزل بـالحب لـه صكَــات
~~~~ وتـرى مـاكـل نــزفٍ يجــرح الأعيــان ويصــونــك

ولكــن دامهــا الفرقــا تريَـــض للغـلا لحـظــات
~~~~ فــداك اللي دنــا حـــلَـه والقـاصين يـفــدونـــك

أبـيـك أصدق من ظنوني إلامن خابت الهقوات
~~~~ وأبيــك تكــون بـغيــابك حيــاة و روح مفتـــونــك

فهد القاضي

أهلاً بالقاضي فهد والشاعر الفذ والأنيق

يكفيك فخراً أنَّك من سلالة القاضي واكرم بهم من رجالٍ والله

شكراً على جمال الحروف التي أخذتني إلى عالم الجمال


تحيتي