الا ليت الزمن يرجع
ورا والا الليالي تدور
ويرجع وقتنا الاول
وننعم في بساطتنا
زمان اول نحس انه
زمان فيه صدق شعور
نحب ونخلص النيه
وتجمعنا محبتنا
زمن مافيه لاغيبة
ولاحتى نفاق وزور
ياليته بس لو يرجع
ونسترجع طفولتنا
صغار قلوبنا بيضاء
نعيش بعالم محصور
ولانعرف ابد اغراب
ماغير عيال حارتنا ..
صحيح صغار في التفكير
لكن ماعلينا قصور
نخطط نكسر اللعبة
وتسعدنا شقاوتنا
نروح المدرسة بدري
ونضحك داخل الطابور
نحاول نزعج العالم
في روحتنا وجيتنا
وعشان نأخر الحصة
نخبي علبة الطبشور
نشاغب بس في الاخر
تميزنا براءتنا
نحب الضحك والهيصة
نحب ننط فوق السور
نفرفش ليه ما نفرفش
مادام الضحك عادتنا..
ولكن دارت الايام
وبان الخافي المستور
وصار الهم متعلي
على قمة سعادتنا
كبرنا وصارت الدنيا
تصف احزاننا بالدور
وتهدينا الالم والهم
غصب عن عين رغبتنا
تعبنا من بلاوينا
احد ضيق واحد مقهور
وكل غارق بهمه
وفي الاخر تشتتنا
وانا ما اقول غير الا
ياليت ان الزمان يدور
ويرجع للورا فترة
نعدل وضع عيشتنا ..
مع حبي
القبس
|
 |
رد مع اقتباس
