أعذري صمتي وسكوني خانني لين أرتكبتك
غلطه وذنب وجريمه درب آخرته ضيااااع
ليتنا يوم ألتقينا في مهب البعد سبتك
وإلا أصلا مالتقينا دام جمعنا الخدااااع
ولاعرفتي من اكون وإلا إني ماعرفتك
ياسنا شمس الخيانه في جبين الألتياع
ليتها واستغفرالله زلزلة حين احتضنتك
كان وارينا جزعنا من ولعنا تحت قااااع
ولانبشتي وسط صدري ذكريات ولا كتبتك
زيف حب مجريااااته في مدى الألهام شاع
ليتها ماتت زهورك وانقرض عودك ونبتك
وليتني قبل أنولد لك ضمني صدر الوداع
المصيبه مااذكر إني بالغلا لحظه غصبتك
وأذكر إنك جيتي رغبه لهفه شوق وإندفاع
ماانتي طفله ولا اناللي فوق يدينك ضربتك
شرع الأحباب التألف والوفاء والأنصيااااع
خذتي قلبي من المحاني وإلا انا قلبك نهبتك
تضحيه فوق الطبيعي وفوق حد المستطاع
كان تبغينا انتحاكم فجري صمتك وكبتك
متهم راضي ولكن أرضي بالحب الدفااااع
مذنب فيك أنتهازي حتى أحلامك سلبتك
واللي ماجا منك طيبه شلته غصب وأنتزاع
جمعي ضدي القضاااايا وجاوبيني لا سألتك
منهو ياللي في المحبه أرخص الثاني وبااااع
|
 |
رد مع اقتباس
المشاركة الأصلية كتبت بواسطة النواوي
