السلام عليكم ورحمة الله وبركاته
اقدم لكم هذه المتواضعة عسى ان تنال ذائقتكم
وهي في الحقيقة بعضا من ابياتها كانت مجاراة
بيني وبين مجموعة من الاعضاء في موضوع المحاولات الشعرية
ابتدأ بالابيات الاخ الشاعر النواوي حين قال :
ياصحبتي زئير الاسود يفرق عن امواء القطط
وش لي بخاتم في يدي لاصار ماهو من عقيق
مااقول انا شاعر حشى لاشك اضيف من قلط
واللي قصدني في هاجسي يلقابي العلم الحقيق
امد يمنايه وفاء وأردع انا بسيفي الغلط
اشره على اهل المقدره وارفق على الغض الرقيق
فكتبت :
ياللي من بحور الشعر / شل الدرر منها وحط
ونظم بها عقد ٍفريد/ في عنق ذايقة الانيق
كل الحقايق شايكة / للي خلطها باللغط
وانا متاهات الشعور / في داخلي ماض ٍعريق
لاشك يفرق بالخليط/ واللي بافكاره خلط
احد ٍ يظيف من الجزيل / واحد ٍتعابيره تعيق
وصدر المواجيع احتقن/ لين امتلا ومنه سقط
بيت ٍ تلى بيت وشعر/ قبل استفيضه يستفيق
في داخلي نوح وشعور / بابيات شعري ارتبط
ماهمني مدح ولقب / والا حضور ٍله اليق
همي على لحن القصيد / اكتب باوزان النبط
نغمة شعوري والارق / واللي باحلامي يفيق
وان جاد بالوانه الفصيح / وتاهت عن حروفي النقط
درب الخيال بساحتي / يرشدها لافكار الطريق
يارفقة الشعر وهله / من غير رسم ولاخطط
بيت الشعر في خاطري / قبل المطر يبرق بريق
ياللي تعاتبني وتجور / وتنثر عبارات السخط
كم واحد ٍ دمه على / سطر القصايد له يريق
وانا ترى جذري اصيل / لو غصني ميله الغلط
لاتنبش تراب الغلا / وتجفف احساسي العميق
هذي قناعتي التي / ماستوردت فكر ٍ عبط
صحت ضمايرها وحمت / ارض الاصالة لاتضيق
بقلمي
|
 |
رد مع اقتباس
