أنا بصراحه استفدت كثير من الموضوع ..بكره يجيك أحدهم ويقولك إن فيه صحيفة في الواق واق
قارنت بين سامي ومارادونا وفاز سامي لأنه اكثر مهاجم يسنتر في المباراة الواحدة
ماجدونا يقلع مضاجعهم حتى الأن
لدرجة أني أبغى أصير مثلكم عالمي ..
تعبت تقول كاني ما قد نمت من زمان .. هز مضاجعنا أسطورتكم .. بصراحه أقلقني في نومي ..
كل يوم إنجازاته ما شاء الله مستمره ..
أبي أعرف كيف أصير عالمي ..
وكيف أتغنى بالعالميه ..
وكيف أمشي بين اخوياي وراسي مرفوع اني عالمي ..
بس فيه مشكلة .. بتنكسر نفسي إذا جاني هلالي وقالي اني تأهلت من المكتب وش أقوله ؟؟
وإذا سأل الثاني الأسطورة العالمي سجل في كأس العالم .. ؟؟ وش أقوله بس علمني ..
أفرض قلت لهم أن لاعبكم سنتر ثمان مرات ..
وقالي هذا دليل ان هو اللاعب الوحيد في أرض الميدان ؟؟
وهذا فخر انه يلعب لحاله ضد منتخب كبير مثل ألمانيا ويسجلون فيه هالكم من الأهداف ..
وهو مقسّم نفسه ما بين حراسه ودفاع ووسط وهجوم ..
ويصاب بعد الهدف الرابع ويستبدل بنفسه .. وينزل يلعب ..
فأنت أوصل مثله كاس العالم وشارك لحالك في الملعب من الحراسه للهجوم .. وألعب ضد العراق لا تلعب ضد ألمانيا ..
بصراحه بأنكسر وش أرد عليه !! كذا يحشرني لا ما يصلح أبي حجه قويه ..
تخيل يقول لي متى آخر مرة فزت ببطولة على مستوى الفريق الأول ..
تبغى تجيني جلطه إذا قالي كذا ..
تخيل يقولي كان فريقك بيهبط ووقفت معاك كل اللجان .. وش أقوله طاح وجهي ..
تخيل يقولي كرمنا أسطورتنا سامي .. وانتم انتظرتم عشر سنوات لحد ما تشوفوا وش سوى سامي في اعتزاله وتسووا لأسطورتكم مثله ..
كيف أرد عليه في هذي الحاله ..
وش أقوله وش علمني
تعبت أنا تعبت ..
أتعبتني العالميه ..
وعشان كذا معرّفي
متعبـ(ـه) العالمي ..
والرتبه × العالمي مسبب أمراضي ×
والمشاركات 19 .. وإذا أضفت مشاركة ترى ما يطير العداد لـ 44
والتوقيع .. عذبَتْني عجاج الليالي فأشفقوا على حالي ..
ملاحظة !!
تم إضافة الشفق للضرورة النصية فقط ..
والا الشفق ما يحب الجدال ..
فديتكم يالنصراوية .. يآخي كذا من ربي أحبكم وش أسوي .. << يتلزق يبي يصير عالمي
|
 |
رد مع اقتباس