بعض الغلا منحه وبعض الغلا سرق
وبعض الغلا ذاته وسيله وغايه
والناس بحر من سبح فيه غرق
وكم عين عذبه فيه ينشد ظمايه
انت بحياتك أصدقا تعرف الفرق
وأنا حياتي كلها باصدقايه
تظن نفسك شمس تلقاهم الشرق
مطلعك والمغرب مجرد نهايه
مثل الضنا مضني غلاهم وله طرق
تاخذ برجلك للفجر والبدايه
تهدي لك حبال الطهاره تقول ارق
لقلوب لله حبها مثل آيه
والرابط ارواح توافق مهو عرق
ولاينتخطط له ولاهو بنايه
مثل الشعر ماتلمسه مثله البرق
مايوصف برايي وكل ورايه
شخص بحياته اصدقا والمس الفرق
وشخصي حياته كلكم يا اصدقايه



الشاعر / سليمان المانع