~ جيب التاجر الفَهلَوي~
السلام عليكم ورحمة الله وبركاته
هالمره جيب التاجر مو مثل العاده ... لا..... جيب تاجر فهلوي و كسلان .
جيب التاجر بالتوست ، سهل ولذيذ ،
نبدأ ( المقادير) :
كيس توست ودائما احب توست هرفي .
بيض و بقسماط لتغليف التوست
صدرين دجاج مسحب
بصله متوسطه
نص حبة فلفل رومي
قليل من الفلفل الأسود و الملح .
صويا صوص حسب الذوق .
فص ثوم مهروس
ملعقة جبنه سائله
ملعقة مايونيز
ملعقة قشطه
خس ( يفضل لو يكون خس فرنسي ..
الطريقه :
ناخذ شريحتين توست ونحطهم فوق بعض
ونفردهم بالنشابه
نجيب كاس او قطاعه دائريه ونضغط فيه على التوست عشان نقصه
نخلص كل الكميه وتقريبا راح يطلع معنا حول 11 او 12 حبه .
(يتبع) ....
الحين نغمس قطع التوست بالبيض ونشيلها بسرعه عشان ماتشرب بيض كثير
وعلى طول نغطيه بالبقسماط
ثم تقلى بزيت غزير وراح تلاحظينها تنتفخ اثناء القلي . اقليها لين تحسينها صارت ذهبيه .
شيليها من عالنار وحطيها بورق نشاف ،
يتبع .......
راح نبدأ بتحضير الحشوه .
نقلي البصل حتى يذبل ثم نضيف الثوم .
وبعده الفلفل الرومي .
ونخليه يذبل شوي ونضيف الدجاج والفلفل الأسود وقليل من الملح .
نقلب لين ينضج وينشف ماه ثم نضيف الصويا صوص
ونشيله من على النار
ونحط الجبن و المايونيز و القشطه
ونخلط
الحين نبدأ بالحشو
قصي اقراص التوست بالنص
واحشيه بالخس والحشوه اللي صلحناه ،
او أي حشوه تحبين . وقدميها .
صحه وهنا
|
 |
رد مع اقتباس
المشاركة الأصلية كتبت بواسطة نورالدنيا
