،
ساحت على خد الورق دمعة الفقد=تبكـي اللقا لسنين كانت تباشيـر
ويلاه يا قلب(ن) غدى ممتلي وجد=وش حيلتي لا صار دمعي محادير
يوم البعد غنّى على عوده الصد=أجهم سحاب وطاح منها عصافير
تساقطت دمعاتها تشتكي البرد=والحزن في عوج الحنايا أعاصير
ما أورقت دمع السما قاعي الجرد=ولا جاد من همس الندامى مسايير
غنوا على صوت الجفا واخلفوا وعد=واستنكفوا لعتاب عطر ونواوير
راحوا وعيني بلجّة دْموعها شرد=واقفوا وانا دمعي تساكب طوابير
يا بنت ردي للغصن نفحة الورد=الشوك يدمي والحنايا مكاسير
لا تلعبي في خافقي لعبة النرد =تكسب مواجع والاماني مخاسير
شوفي عيون الحلم من دمعة الفقد= تبكي اللقا لسنين كانت تباشير !!
!
|
 |
رد مع اقتباس