اضحك واحس الضحكه تضحك عليه
ياكيف بضحك لك وانا حزن وآلام
تحسب حبيبي ان الهنا في ايديه
ماتدري اني في شقى طول الايام

ابيك تهنى لو حياتي شقيه
ماهمني حاسد وعاذل ولوام
اضحك مدام العمر باقي بقيه
وش عاد لو قلبك شقا منك وانضام

بسمه شفاتك يا حبيبي هديه
بلسم جروحي يابعد كل الانام
لاتحسب اني في حياه هنيه
وجروح حبك في حشى قلبي ايتام

انا عطيتك كل عمري عطيه
وش حاله اللي هام في حبك هيام
مالي على نسيانكم مقدريه
لا قادر يصحى ولا قادر ينام