مرثية رفيقي
مرثية رفيقي
رفيقي مات والذكرى تعذبني وتكويني
ليا مني ذكرت الي مضالي هلت العبره
زمانٍ عشت انا وياه فيه العسر والليني
كبرنا ثم خذنا من تجاريب العمر خبره
ليا مني خطيت يضيق ثم ياتي يحاكيني
يلمح لي عن الغلطه وانا افهمها من النبره
نسولف مع بعضنا ونتمازح بينه وبيني
واذا ماشفته بنجنبي ادور للقى دبره
ولو انه بعيد الدار يلفاني وياتيني
يقول السمره الي دون ماجد ماهيب سمره
ولامني مرضت يقول ي جعل المرض فيني
واقول الله يجعل في جنان الخلد لك مهره
رفيقٍ كل ماونيت جا صوبي يحاكيني
يقول اسمع كلامي زين ي ماجد على فكره !
تررى لو انها دقتك شوكه والله تاذيني
وكنها في ضلوعي والحنايا طعنة الشفره
ومن يومه رحل والكون هذا مايكفيني
ولكن مايموت الي مع العالم بقى ذكره
اشوفه في منامي لاغفيت وغمضت عيني
ولامني صحيت انثر دموعي في طرف قبره
ماجد بن خرصان
|
 |
رد مع اقتباس
