البدر لا غاب
البدر لا غاب عن عيني سريت
في دجا الظلمه ولا حولي سنا
وكل ما حزني طواني وانكويت
مايخفف ضيقتي غير الغِناء
والعرب لو هي تعرف الي خفيت
مالقيت الا الشماته والعنا
من كلام الناس ماضقت وبكيت
مير بعض الحكي يوجع لا دنا
كاتمٍ سري ولا قلت وحكيت
واتظاهر بالسعاده والهنا
بالطريق الي على ضوه مشيت
صرت اخايل همي الي مافنا
قلت ي همي علامك ليه جيت؟
قال ذا بيتي ويشر لي هنا
قلت تدري من حضورك وش خذيت
فالحقيقه صرت ادري من انا
تحبني حب الصباحي للكويت
واكرهك كره العريفي للغناء
ماجد بن خرصان