ماجد بن خرصان ~ البدر لا غاب

[ماجد بن خرصان]

البدر لا غاب
البدر لا غاب عن عيني سريت
في دجا الظلمه ولا حولي سنا
وكل ما حزني طواني وانكويت
مايخفف ضيقتي غير الغِناء
والعرب لو هي تعرف الي خفيت
مالقيت الا الشماته والعنا
من كلام الناس ماضقت وبكيت
مير بعض الحكي يوجع لا دنا
كاتمٍ سري ولا قلت وحكيت
واتظاهر بالسعاده والهنا
بالطريق الي على ضوه مشيت
صرت اخايل همي الي مافنا
قلت ي همي علامك ليه جيت؟
قال ذا بيتي ويشر لي هنا
قلت تدري من حضورك وش خذيت
فالحقيقه صرت ادري من انا
تحبني حب الصباحي للكويت
واكرهك كره العريفي للغناء
ماجد بن خرصان

[ميدوزة الأورليا]

البدر لا غاب ، يشارف الليل الضياع ..

تحبني حب الصباحي للكويت
واكرهك كره العريفي للغناء

استشهادك هنا نقش ندرة لا يجيده إلا شاعر كماك .

[ماجد بن خرصان]

شكراً جزيلاً آلله يسعدك

[أبو فييه]

البدر لا غاب
البدر لا غاب عن عيني سريت
في دجا الظلمه ولا حولي سنا

من كلام الناس ماضقت وبكيت
مير بعض الحكي يوجع لا دنا

ماجد بن خرصان

أجدت.. وأبدعت.. وأمتعت الذائقة..شاعرنا الجميل ماجد بن حرصان.
في الأبيات عذوبة وسلاسة وقوة في المعنى..
يعطيك العافية

[خالد معافا]

جميل اخي ماجد بارك الله فيك

[ماجد بن خرصان]

شكراً جزيلاً ابوفراس آلله يسعدك

[ماجد بن خرصان]

صّح بدنك ياخالد الصغير