على كثرالهموم اللي تغطي بالظلام النور.
إذا منا تضايقنا تجي دايم تدارينا.
رغم إن الزمن قاسي ولكن جرحنا معذور.
أنا وإنتي ورسايلنا بربك من يواسينا.
بكيت وملت اعيوني تكفكف دمعها المنثور.
لجل طرفن تعذر لي يقول السعد ناسينا.
احبك كثر ماهلت دموع العاشق المقهور.
أحبك كثر مانادت حروف الحب اسامينا.
احبك إيه انا احبك بقلبن صادقن مكسور.
رغم جرح الفراق اللي أخذ منا أمانينا.
احبك كثرماسقت القصيد ومابكته اسطور.
ورمشن ضم بغيابك طيوفن كان تدنينا.
حبيبي والزمن يشرح قضية عاشقن مغدور.
رمته اقداره وغدرك صويب بساحل المينا.
يناجي كذبتن بيضا توارت والزمان ايدور.
على اطلال الغرام اللي تنكر كل ماضينا.
سنين الحب والعشقه وعهدن ماهقيت يبور.
تدلا مثل ماكنتي على الفرقا تدلينا.
مثل ماخالجت روحي احاسيس وتحث اشعور.
تقول إياك لاتشرب تراها زيف تسقينا.
احبك معذره ممكن أناقش سادتي الجمهور.
ياساده كيف لوتنطق بها الحظه كراسينا.
أحد يبقى على حاله هجاج وكلكم مذعور.
وتبقى قاعة المحفل تضججها خطاوينا.
كذا كنا قبل ينطق لسان الغدر بالدستور.
كذا كنا قبل نصحى على موتت هقاوينا.
كذا كنا وكذا كنا وبان الخافي المستور.
وسط حفل الزفاف اللي نقل أصدق تعازينا.
أحبك كبر هالكلمه ويبقى الحكم للجمهور.
يأكذب من صدق يوم الفراق ومن سكن فينا.
|
 |
رد مع اقتباس
بارك الله فيك وحفظك ورعاك أبوفهد
المشاركة الأصلية كتبت بواسطة ميدوزة الأورليا
