طيب المفروض يتحاسب صاحب الفكرة الفاشلة لانو نتاجها مش فمنتج غذائي ولاصناعي .. هذا فشل جيل في التعليم وبالتالي راح يعانو طول حياتهم من فكرة شفنا ناتج فشلها وماشفنا راعيها ولا حتى قالوله انت غلطان يامعاليك .. والعودة للاختبارات هذي مطالب الناس كلها لانو عندنا يختارو افكار من دول خارجية وعلى طول نسخ ولصق بدون دراية ولارؤية سليمة وثاقبة كيف بلله الطالب اللي في الصف الاول يعاملوه على انو يعرف الحروف الهجائية وكأنو في الصف الثاني مدري الثالث بدون مايعلموه .. الاختبارات افضل ومافي وجه مقارنة اصلا مع المستمر ثم انو تعليمنا كله من اوله الين آخره ايش مستواه عالميا ؟ شوفو الدول العربية حتى اللي في المغرب العربي كيف يتكلمو اللغة العربية الفصحى بطلاقة ونحن المدرسين عندنا حالهم يفشل وفاقد الشئ لايعطيه
قارنو دراستنا العلمية معاهم تخيلو معايا لو طبقو منهج مصر ولا السودان مثلا عندنا لمدة سنتين اظن انو اللي في الجامعة يرجعوه المتوسطةويمكن كثير من المدرسين راح يرجعو طلاب
تعتعة وركاكة ومناهج محتاسة ومدرسين همهم الموجه ونهاية الدوام والعلاوات ونسو رسالة المعلم وامانته واختلطو مع المعلمين الافاضل فأثرو عليهم وعلى نظرة الطلاب واحترامهم للمعلم ومكانته
خالد الفيصل ورث وزارة تحتاج الى غربلة من اول وجديد ويفترض انهم يعيدو تقييم المعلمين وتحصيلهم واساليبهم التربوية ومن لم يحقق اعلى المستويات يحال الى وظيفة ادارية او يقاعدوه وهذا افضل من انو الواحد يربي ابنه ولابنته على افضل الاخلاق ولمن يدخل المدرسة يرجع بأسوأ الافكار واردأ الصفات واكيد المدرسين فاهمين قصدي
لانو وصلو الطلاب لانهم تعلمو على المخدرات من المدارس والبنات وصلو لدور الرعاية والاصلاحيات وهذا كله من
اختلاط الحابل بالنابل .. المسألة مش اعادة اختبارات وبس لالا المسألة اعادة نظر فكل شي يخص التربية قبل التلعيم
|
 |
رد مع اقتباس