السلام عليكم جميعا ..
دعت آيات القرآن الكريم ، وأحاديث النبي صلى الله عليه وسلم إلى
صلة الرحم ورغبت فيها أعظم الترغيب ، وكان الترغيب دينياً ودنيوياً
ولا شك أن المجتمع الذي يحرص أفراده
على التواصل والتراحم يكون حصناً منيعاً ، وقلعـة صامدة ، وينشأ عن ذلك أسر
متماسكة وبناء اجتماعي متين ..
كما انها سبب لطولة العمر والبركة والزيادة في الرزق
عن أنس رضي الله عنه قال: قال رسول الله صلى الله عليه وسلم :
" من أحب أن يبسط له في رزقه ، وينسأ له في أثره ، فليصل رحمه "
كما انها سبب لدخول الجنة ..
فعن النبي صلى الله عليه وسلم أنه قال : " يأيها الناس أفشوا السلام
أطعموا الطعام وصلوا الأرحام وصلوا بالليل والناس نيام ، تدخلوا الجنة بسلام ‘‘
مجتمعنا للأسف كما هي عادته لابد من ان يقلب الموازين ..
بالنسبة لنا .. مجتمعنا هنا في نجد .. ما يطلعون ولا يزورون احد الا في
المناسبات .. ولازم يكون قبلها فيه موعد وتعودنا على كذا
اروح للنقيض .. لما نجي الديرة في الاجازة .. اشوف العجب العجاب
في كل وقت زيارات ليل وظهر وعصر و بعد العشا واخر الليل بعد
ابوابهم مفتوحه دايم وغالبا لانهم يكونوا في دارة وحدة و اهل
ولو تقفل الباب .. قالوا عيال فلان مدري مالهن ما يفتحون !!
ويوصون اي جاهل يشقل من فوق الجدار ويفتح لهم الباب
وعقبوا لمعاهم مناسبة والا عزا والا نفاس .. حرام معد يتناسخون هههه
طيب يا ناس يا عالم .. اهل البيت هذا ما يبغون يرتاحون , ينامون , ياكلون
يذاكرون لعيالهم , يتجمعون ويتقهوون , الحرمه تبغى تجلس مع زوجها
تسولف الا يطبون في الوقت بدل الضايع ..
بالنسبة لي انا اكره هذي الحركة .. بيجون حياهم على عيني وراسي
لكن فيه وقت معين للزيارة وغير كذا الله المستعان بس ههههه
سؤالي : ايش رايكم في الزيارات المفاجئة ؟؟ زيارات النساء خصوصا ؟؟
هل عادي والا تضايقكم هذي الحركة ؟؟
بانتظاركم
|
 |
رد مع اقتباس
بارك الله في من زار وخفف 
