ابعد من حدود المسافات بيتي
واقرب من خطاك وخطاي آلتقينا
شفتي كذا مابين رحتي وجيتي
كنا مشينا وكننا ما مشينا
نهارك امشي لك وفيني تبيتي
مهما عطينا وكننا ما خذينا
تقولين عطني ياخذيتي خذيتي
ولا باقين فينا سوى إنا بقينا
جمعت منك كل ماانتي رميتي
ترمين يوم إنا بسهمك رمينا
اسألك وآدري جاهله مادريتي
كيف انذبحنا وتونا ما غزينا
تدرين إنك لاعطيتي عطيتي
وكنك عطيتي بالخطا مادرينا
حنا جمحنا وانتي فينا جريتي
حتى على اسلاك المقدر جرينا
حنا وطينا بس إنتي وطيتي
فينا علينا ضدنا انتهينا
لاشك تكفي وإن حصلك هديتي
لا تسبقينا وتونا ما سرينا
إقري وكنك عننا ماقريتي
ونجهلك حتى كننا ماقرينا
|
 |
رد مع اقتباس
بارك الله فيك وحفظك ورعاك أبوفهد
المشاركة الأصلية كتبت بواسطة ميدوزة الأورليا
