حديث النفس غرربي وانا بين الملا مجروح=ضربتي ضربة الشاطر خذيتي القلب والأحساس
أحاسيسك رسمتيها وزان الرسم ويّا اللوح=جمعت اليوم في لوحك صور جتني مع النسناس
غلبتيني بتخطيطك وترنيمة حمام الدوح=حمستيها مثل بنن أريبه والشعر له ساس
أحبك كثر مامالت غصون الورد ويّا الروح=واحبك كثر تغييرة يدينك صافي القرطاس
بوقت الظرف والأحزان وصمتن باالعنا مفلوح=متاهات الزمن تصغر ونورالحب باالأهماس
طبيبة قلبي مالومك على سوقة حنين البوح=إلى منّه إجى صوتك يضيع العقل والهوجاس
مشاعر تحتوي قلبي وشوقن باالحكي مفضوح=سبايب غيبتك طالت وزاد الليل باالوسواس
وجيه الحب لك جارت على شوقن غدى مذبوح=أناإنسان ياعمري ولاني من بلد مكناس
صحيح إني أغوص البحْر وعلّي في سما وصروح=وجيب اللول والمرجان وصيد الظبي بالأطعاس
ولكن ماطرى ليّه سواتك يابعيد الشوح=عويذ اللهِ ربّ الناس من ألماسن عُقد بلماس
مع الإحساس والرقه كتابي صار لك مفتوح=ولا أدري نهايتها مشيب الليل ولاّ الكاس
عليهم خبّي مكنونك ومكنوني معك مشروح=ومادامالزمن يمشي أملنا باقي بالأنفاس
|
 |
رد مع اقتباس
