مادام زين الوقت يبعد سرابه=لاتبتعد مادام للقلب مشتاق
واللي مضى والغيب ربي درابه=كم رسمتن من دون بروازواشراق
أبعد بعيدن والقى منه عذابه=واللي قصدته مانفع يمه إبراق
مدري دلع ولاّ جفى من سحابه=ولاّ رسوم الوصل جادت بالإفراق
وان كان كل القصد تبغى الإجابه=حكمك مؤبد باالشرايين إغراق
لاتستفز العين كلّي غرابه=وافتح مزاليج الغلا دون إغلاق
كلّن مع الأيام جاله مصابه=كم قطفتن نقطف لها القلب ماذاق
أكثر جنون الحب عبرة صبابه=وافكار باالمعني على ألف معلاق
والعاطفه صندوق كنه خرابه=حتى العناكب عشعشت فيه بسباق
سبّة حبيبن ما تعنى لبابه=قفّل مراسي للهوى شبه الأفاق
مهما يقول البعد يجري لعابه=يسرق من أنفاس الهوى كل مالاق
طوّل سكوته والجفى حد نابه=جرحن ورى جرحن وهديت ميثاق
ودّي يجرّحني وحضرة جنابه=مابل ريقي وارسل الرمح زرّاق
الشطر الأول من البيت الثالث=الهاجس
البيتين الأخيره هي صوره للمحب في اشتياقه
بأنه قام بتجريح المحبوب لكي يسمع ردوده ولو كانت بتجريحه
طبعا أعتذر للمنتدى في شرح بعض الأبيات ليس قصورن فيكم
بل لكي لايجيب أحدالكلام علىنفسه وربعه وهومستعجل
|
 |
رد مع اقتباس
.
