على طاري الحزن..أرجوك لاتطري لي الاحزان
وانا اللي لون الحزن بظلامه كل ممراتي

أكابر وابتسم للعابرين وبالحشا بركان
ولاودي يشوف الناس عقب الصبر دمعاتي

أنا شيبت ..شيب العمر ..والتفكير..والحرمان
أنا انهديت من أقصى المباني لين ساحاتي

نديم الليل وافكار الهوى ومفارق الخلان
كسير الخاطر ولا اقدر أكمل لك معاناتي

أنا ماقلت لك لاتجيب طاري الجرح والاحزان؟؟
من اللي بعد مابيحت سدي..يلملم شتاتي؟؟