خبرت الوقت و الدنيا .. و أنا تـوي ولد مغرور
صغير السن غض العـــود .. توي مـا بلغ مدي

كبرت و شفت بعيوني كيف الحــال يلف و يدور
لزمت الصمت فـي قلبـي .. ســاكت حـافظ سدي

قريت التجربة مرات .. و حرف التجربة مبتـور
حسبت التجربة تلقين .. و اثــر التجـربة عندي

عقلت الحـال و الدنيا .. و أنا قبل العقـل معـذور
و لكــني غديـت اليــوم .. أبدل صيــفـي ببردي

تداعــت يمــي الدنــيا يضــرب جــالها بالســور
ســور قد بنيــته سنين .. اســاســاته على قدي

و أنا قدي صبر صابر و صبري فايض و منثور
اجــالد من بغــاني بشر .. و اصفـق غدره بيدي

ألا يا دنيتـي هونك ترى ما العــن من المخطـور
إذا ما حدت الدنيا .. تســاوى المــوت فـي حدي

و إذا ما جتني الدنيا .. تسأل خاطرك مكســور ؟
ضحكت و قلـت : يا دنيا خذي منـي بعـض ردي

تبين الحيــن يا دنــيا .. أنــزل دمعتــي مقهــور
و ربي مــا أنزلـــها .. و لــو غلطه على خــدي

انا صــبري تعلمته .. قبــل اولــد بتسع شهــور
تعلمته و أنا نطــفه .. ورثته مــن صبــر جــدي

مما راق لي