يااللهْ إذاحدّثت تلهمني إلهام=وانثر غبار الأرض لا قلت قاعي
من مهرتن لاجت تلاعب بالأقدام=في جدّها مجدن غريبة طباعي
مره معاها أمسك الحرف بلجام=ومره بدون لجام أنهي صراعي
ومابين شاجع خايفن من تندام=ماقد شكيت بيوم عجزة ذراعي
ناديت حبن شالته طهر الأجسام=يارب تبعد خايبات المساعي
أقصد مثلث رعب لاجا بالأقلام=إيضيع في يمه غليظ الشراعي
غابوا وغاب الشعر من طيّة العام=ولاعاد من ضوّ القلم لو شعاعي
بصمة يديهم ملغية كل إبهام=ومن مدّ في شبره تعدوه باعي
لو هوْ نقى ولاّ على شكل اللألغام=إمفصلين الحرف طب ووجاعي
واللي بجهله عاجبه شكل الأصنام=ذاب الجهل مابين ناب السباعي
دار الخطى والصح دورات الأيام=ودار الجفى والبعد يوم الوداعي
كلّن على ماشاف صوّر بمرسام=إما غلى ولا هجا للدفاعي
راحت مع أفراحهها حتى الألام=واللي بقى ذكرى لها إلتياعي
مدري لحالي ساهر اليل مانام=واكلم الأطياف صبح وهجاعي
ولالفاهم من عنى الشوق إجرام=والجرح يمنعهم دخول القلاعي
وشريان قلبي لو على صوت الأقدام=إيفز قبل وصولهم بندفاعي
باالوعد وافي والوفى وعد ضرغام=أفراد رجعوا ولاشملن جماعي
هذا ندايه لو على لحن الأحلام=قيثارتي ألحانها ماتباعي
واختامها قولن على نهج الأسلام=صلوا على ذكر الرسول المطاعي
|
 |
رد مع اقتباس
