الليل صنته والمخاليق رقدي
يابخت من هو طف له زرب وجدار
الحب بلوه وبلوت الحب وجدي
اسما من الشينه وارفع عن العار
ياشوقي ياللي متعبن كل جهدي
ودموع عشقي فوق الاوجان مدرار
يابو ثنايا بيض والخد وردي
والصدر روضه زرعها زهر وثمار
ياتارب الكعبين مليت نهدي
من زولك اللي بكل الانظار دوار
الناس حبو ياهوا البال بعدي
وعاشو رغدها في رضا واهب بار
وانا ثمان وعشر عديت اعدي
والوقت وصدوف المقادير مضمار
اجري ولكن يامنى الروح وحدي
والحمد لاللي شاء لي شي واختار
لجل الوصل يانجد ارقاك نجدي
وابيت مع صم الطواريق سمار
اجن مره ومره يعود رشدي
واستغفر اللي لكبر الذنب غفار
إذا طريتي اشعل الجمر كبدي
من ضوح لهفه ولعت ظلعها نار
يا انتي غرامي واتزاني وزهدي
واسمك بلسني مثل تسبيح واذكار
ياحضن دثرني سواعدك بردي
محتااااج اغفى السهر غايتي ضار
وعدك متى والعمر قضاه وعدي
يجرع كؤس امفارقك مر واكدار
يادنيتي وإن مت لا هنت لحدي
ساعة وصالك هي متى بس ياجار
شف كيف جار ويذبح الفهم قصدي
ياجار ياللي جاربي وجار ثم جار
النواوي..........ابوشذا
|
 |
رد مع اقتباس
المشاركة الأصلية كتبت بواسطة خالد معافا
