وقت العرس(للعرسان فقط)
السلام عليكم ورحمة الله وبركاته
قصيده عامه للعرسان أرجوا أن تحوز على رضى الله ثم رضاكم
لاجى بوقت العرس كلّن له مجال=نرسي على أهل الموده والأصول
أفراحهم تزهر بصاحبة الجمال=هندن كما غيثن تهيا للهطول
بعيونها تكسب مصاعيب النزال=لا سلهمت باالرمش قتلاها زحول
لبس الحريره لبسهالبس الدلال=أمْها تدلعها دلع كلّه ذهول
من شافها في مشيها جاله هبال=مشي القطا بين الجداول والسيول
والكحْل لامنّه على الأوجان سال=بيض السحايب تتبع الحلوه مثول
الفرق مابين البشر ويا الغزال=الناس تتبع في مقانصها ميول
والشعر فوق المتن ميّل واستمال=لاهبّت النسمه تهيا للنزول
شلاّل من زود الكرم حلْقة وصال=من كتفها لردافها عدّى الوصول
خذْها عطيه باالحلال وبالبلال=وامّه ترقصّها الزغارد والطبول
من شانها غيّر مفاهيم الريال=ويقْطع صحاري الأرض وأخطار السهول
اللهْ يتمم فرحة أكرام السبال=يجْمع مع هندن عطيه في قبول
|
 |
رد مع اقتباس
