السلام عليكم ورحمة الله وبركاته
أرجو من إدارة منتدى صامطه إلتماس العذر لي لأني قمت
بإنزال قصيدتين متتابعه في وقت قصير
بسم الولي نبدى ننادي على الخيل=والقصد شقرا لقبوها بشامه
أخت الرجال منوخة كل حلحيل=من يوم خوّتهاموطيت هامه
لاجيت باالوادي مهابت من السيل=والبحْر تنصى ألف مليون قامه
بن اليمن فكري وريقي من الهيل=والعقل دله في كفوفي لجامه
لا والله هااللي لابسات الخلاخيل=فكّت لجامك وانتهى باالسلامه
يومي أهوجس للقمر تالي الليل=والضلع من ناري حطام وركامه
يااللي على نار الهوى ترمي سهيل=والبيض تحماها ولاهي ملامه
حرفك وميزانك علينا هماليل=مثْل المطر رشّه لو نت الغمامه
البيض في عيني وقلبي مداهيل=والصد من مبطي رحل باالحجامه
ماكل من عاتب بوقت التعاليل=يصد سمعه عن هديل الحمامه
عارف بحبه والعنى والبهاذيل=والقلب صاين عشرته واحترامه
مايملى عيني باالقدع والمعاميل=إلاّ فناجيلن سقاها غرامه
كلّه دلع قايد حلى من به الجيل=أنا أشهد إنه صايباتن سهامه
هذي ردودي لا زهمت الدرابيل=والعذر لوقصرت يابن النشامه
|
 |
رد مع اقتباس
