يا ضايق الصدر { بالله } وسِّع الخاطر

[عبده حكمي]

يكوي بعادك صاحبي خافقي كَيْ
والكون كلِّه دونــــــك يصير ضايق

أقســـم بربي ماهوى خافقي شَيْ
مثـــــــــــلك ولابه بين كل الخلايق

ياضي عيني ساءلك خالق الضَيْ
ترحم بحالي ســـــــاءلك لو دقايق


عبده حكمي

[عبده حكمي]

جرحتــــني من دون تَشعُــــــــــــــر بجرْحِي
وأذّيتــــــــــــــــــني وأكبر أذيّــــــــــــه فراقِكْ

آلمتني لين إنتحــــــــــــــــــــــــــر فيك فَرْحِي
قتلتني بالبُعــــــــــد والبُعــــــــــــــــــد راقِك

وضعي صعب وأصعب من الوضع شَرْحِي
مالك عُــــــــــذر ياللي وحشـــــــني خِنَاقِكْ






عبده حكمي

[ابن حاره]

أحبك
وبس

[" أنيقة "]

وإن غاب حسك ،!
بتبقى سيرتك حية ..

[عبده حكمي]

يادمع خاف الله ولا تجـــــــرح العين
ترى عيوني كثرت الدمــــــــــع ملّت

ياوجـــــــد حالي كل ماقلت بعدين
وجد العيون اللّي من الضيق هلّت


شاعر

[ابن حاره]

صح لسانك أستاذنا الغالي عبده حكمي

[عبده حكمي]

عن كل كلمه غَفت في محجـــــر شفاهي
بـ اصب صوت العتب في حنجر الدَمْعَهْ

وانت وضميرك تأمّــــــــل حزنيَ الراهي
إمّا يطيـــــــح الحطب والا اشْعله جَمْعَهْ





تركي المعيني

[عبده حكمي]

كلّن حَسـَـب ظَرْفَــهْ تُسَيَّر حَيَاتَهْ
من يَعْذِرِك تَعْــــــذِرْه لو كَان غالِي

واكبر طُمُوحَ القَلب واغلا أمْنِيَاتَهْ
إنك تِعِيش العُمـــــــر يازين سالِي






عبده حكمي

[عبده حكمي]

فمان الله ياناوي على الغربة ترى مسموح
عليك الله أَبَفْهَم ويش خطاي اللي تجنّيته

أبسمع كلمةٍ منك قبــــــل لا تبتعد وتروح
أبي قلبٍ عطاك الود كله ويـــــن ودييييته






شاعر

[صامطية]

من عز نومي صحيت وشفت في عيني
دمع تهادى على جفني وأنا غافي
سترت دمعي بكمي قبل يغريني
وأخذت هذا الجسد من باقي لحافي
وسريت تايه ورا خطوات رجليني
لا الوجه وجهي ولا أوصافي هي أوصافي
أمشي وأقول لطريقي لا توديني
لعيون ناس تبي تدري عن الخافي
أمانتك.. خلها ما بينك وبيني
خابرك يالدرب خوة عمر وسنافي
ما ودي الناس تدري وش يبكيني
كرامة النفس ورث أبوي وأسلافي
أمشي وأحس الخناجر في شراييني
والبرد يمشي وراي وينهش اطرافي
وحيد والليل بردونه يغطيني
تقول كن البلد روح بها السافي
إلين ما أوحيت لي صوت يناديني
صوت أعرفه مثل ما أجهل وش خلافي
قمت أتلفت وانادي لا تخليني
ما غيره.. الصوت هذا صوته الدافي
ولمحت زوله من أقصى الدرب لافيني
مدري وش اقول لكن حي ها اللافي
تعال.. شف غيبتك كيف أثرت فيني
تعال.. شفني وأنا أغرق عقب مجدافي
تعال.. خذني ورحبي من عناويني
تعبت أعدي على جمرك وأنا حافي
تعال واقطف بصوتك زهرة سنيني
كل المواعيد عقبك شمعها طافي
تعال وازرع خصل شعرك بكفيني
بضمها لين أحس بليلك الظافي
تعال وشفيك خايف؟ أنت ناسيني؟
قطعت صوتي عليك وطال ميقافي
حتى بديت أشعر أن الحب معميني
وان أنت حلم عثى فيني وأنا غافي
لكن أمانة ترى اللي في كافيني
إن رحت منك كذا ما رحت متعافي
بصدق الحلم وأحذر لا تصحيني
في خاطري كلمتين إن قلتها كافي
أمانة الله عليك إن غبت عن عيني
لا يكون قلبك مثل قلب الزمن جافي
مع كل دمعة تذكر رعشة يديني
ومع كل ضحكة تذكر قلبي الوافي

فهد المساعد

[يحيى المشعل]

مرتاح احبك ولا علمت
حتى انت عييت ابين لك

البارحه يوم انا سلمت
شكيت لو عيني تدلـــك

برق لمع بالعيون وخفت
مواجع القلب توصلك

عساك في ناظري ماشفت
كيف المعاليق يومن لك

من خوفتي لاحترق جنبت
هربت من شمسك لظلك

اخشى عليك الهوى لو طحت
وما تلني يمك يتلك

ابي قليلك ولا حصلت
بعضك تركني مع كلك

مدري صواب او خطا ماقلت
انك حبيبي وانا خلك

[عبده حكمي]

يضيــق بي كوني وكلّي يسَافِرْ
منّي إلك لو هــو تغيبي دقيقَهْ

الحب نعمــه والنَّوَى فيه كَافِرْ
مايرحم المشتاق يقطع طريقَهْ

إنتي أنا والنبـض بالحب غَافِرْ
لو تحـرقي ورده وتفني رحيقَهْ
،
،
عبدهـ حكمي

[" أنيقة "]

ياشاكيا هم الحياة وضيقها
أبشر فربك قد أبان المنهجا

من يتق الرحمن جل جلاله
يجعل له من كل ضيقٍ مخرجا

[عبده حكمي]

لا تهل الدمعِ خـــــل الموق ياخلي شحيح
عينـــــــك اللي تذرفه حِرْمٍ عليها تَذْرِفَهْ

خل همّ الكون يبقى في خفوقي لو يصيح
بكتم الأحـــــــــزان فيني والهنا لك بعْزِفَهْ

كنّ هذا الكون كلّه من معاناتـــــك جريح
لان فرحه من عيونك كان دايــــــــم يَعْرِفَهْ
،
،
عبدهـ حكمي

[غيمه في سماشاعر]

أحبك لاجيت أبا قولها
فز الخفوق وضاعت
اعلومي منني

[" أنيقة "]

‏لاتقول اشتقت لي هذا سؤال ؟
لا سمعته منك، ياخذني إليك !

بس بجاوبك على قولة نوال
خلنـا مني .. ( وطمـني عليك)

[يحيى المشعل]

مجموعة انسان


قالت من انت .. وقلت مجموعة انسان
من كل ضد وضد تلقين فيني
فيني نهار وليل .. وافراح واحزان
اضحك ودمعي حايرٍ وسط عيني ..

فيني بداية وقت .. ونهاية ازمان
اشتاق باكر واعطي امسي حنيني
واسقي قلوب الناس عشقٍ وضميان
واهدي حيارى الدرب .. واحتار ويني ..
واحاوم طيور السما حوم نشوان
واسيل الوديان دمعٍ حزيني ..

في عيني اليمنى من الورد بستان
وفي عيني اليسرى عجاج السنيني
تهزمني النجلا .. وانا ند فرسان
واخفي طعوني والمحبه تبيني ..
ان ما عرفتيني فلانيب زعلان
حتى انا تراني احترت فيني ..



كلمات: خالد الفيصل

[" أنيقة "]

يا ضايق الصدر بالله وسع الخاطر
دنياك يازين ما تستاهل الضيقه
الله على ما يفرج كربتك قادر
والله له الحكم في دبرة مخاليقه
حلو العيون استهانت دمعها الحادر
كف العباير حزين الدمع ما طيقه
حسايف الحزن يغشى وجهك الطاهر
والورد في وجنتك حرام تغريقه
يفداك قلب على ما تشتهي حاضر
يفداك باللي بقى لي من معاليقه
ما فات خله ولا تهتم من باكر
وأغنم من اليوم ما ساقت توافيقه

[عبده حكمي]

دك الهمـــوم وكل الاحْزان واسْلى
بذكر الإله وطاعته تنجلي هْموم

إفتح كتابه واجْعــــل الذكر يُتْلى
وارفع يدينــك ينقضي كل ملزوم
،
،
عبدهـ حكمي

[عبده حكمي]

فقـــــــــدت الوفـيّ اللي علومـــــه تجمّلني
فقدت الشجاع اللي بنى خوّته عالساس

فقـــــــدت الذي ماقــــــد طراله يزعلني
فقدت الكريـــم اللي عطاياه دون قْياس

حزام الظِفَـــــــر ودّعنيَ بروحتـــــه عني
وداعٍ بلا رجعـــــــة ولا نشده وْعساس

حَسِينَ الظفر والخـــــــــوّه اللي تذكرني
بعد مُوتِتَه يسري علي طارق الوسواس

يخيّــــــــــــــــل لي إنَّه قدم عيني يكلّمني
أغيب بْخيــــــــالي لين تكتمني الانفاس
،
،
اللهم ارحم أخي حيدر الخبراني وأسكنه فردوسك الأعلى في الجنة
يارب العالمين