ياشاشة التلفاز تكفين تكفين
ماعاد يرجع لو هوانا رجوعه
الأمر لله ياقلوب المحازين
نصبر ولو دنيا المقدر فجوعه
ياعين هلي احمر الدمع ياعين
وابكي رضا لا تذرفيها جزوعه
ابكي على تاج الرجال الميامين
صقرالجزيره يوم ودع جموعه
بومتعب امام الدول والمصلين
اللي سلاطين الدول تحت طوعه
عبدالله القايم على الدار والدين
كافل يتام الارض مده وصوعه
مليكنا اللي قال تحيا فلسطين
زارع سلام الارض ساقي فروعه
بومتعب اللي في جميع الميادين
سن السنن والخلق تتبع شروعه
زعيم لطام البغاه المعادين
متميزن وصفه وشكله ونوعه
خادم بيوت الله حامي الجوارين
ولا فيه قايد يشبهه في طبوعه
اب الشباب واب كل المسنين
وإلا صغار السن جنة ربوعه
ولا فيه شبرن بين مكه وبرلين
إلا وابومتعب سقاهم نبوعه
بكل وجهات المدى يسار ويمين
نفوس خلقك ياإلاهي هلوعه
ورى الذي ودع ديار المحبين
واقفى ونفسه لامر ربه مصوعه
يارب وانت موثق الشين والزين
أمن ابومتعب من اللي يروعه
القايد اللي راح والصدر نصين
صدرالشعب قلبه مفارق ظلوعه
ويالله في علين امين امين
يرفل ويهنى سيدي في هجوعه
ذاك المليك اللي تركنا ملايين
نبكي قضاك بكل نفس ن قنوعه
النواوي......ابوشذا
يحي علي مجربي
|
 |
رد مع اقتباس