من طرائف الشعر

[إحساس صادق]

لي صاحب منه تبي تطلع الروح .... خبل ومنهي مولــعه فيه خبله

عامين أوضح له مع الجد ومزوح .... واقول ياعنتر تـنــاديك عبله

طال المدى ثم قلت انا اغليك يالوح .... مجروحه جرح مخاطره عجله

دنق وقال انا من العام مجروح .... واشر لجرح مبطي وســط رجله

[إحساس صادق]

يامرحبا بك عدد ماطار تمساح .... او عدد ماتـنقش سنون نعامه

او عدد مايزعل على الموز تفاح .... وعداد قشر في بعير وسنامه

او دب امعط لابغى يطير ماطاح .... الا بجــرف بعيد ولا عــدامه

والا خروف دايم الدوم نواح .... ضيع ثغاه وجاب صوت الحمامه

على عشير كن زوله لاراح .... كنغر وشكله مايعرف الوسـامه

ماشافني وانا مع السوق رواح .... صد وتركني بين شبه وعلامه

[إحساس صادق]

انا وليفي طش راسي غرامه ....... لولاي اكافح حبها بالبـــندول

خلي ذبحني طسمته واللثامه .... والعين تشدي لابرق الريش مع جول

يقطش وليف الروح قطش الحمامه .... يامحلا ريقه مع الشدق سعبول

ياناس انا هلي واحف السلامه .... واموت من حب اريش العين لاحول

خلي لمع في راس خشمه زمامه .... ومعلق في الحلق فضه بدلــدول

تقول قرد في روابي تهامه .... يفجعك شكله لاضحك كنه الهــول

لا هوب دبه ولاهو هلامه .... ماشفت مثله سيد الاحباب عصـقول