صباحكم / مساءكم الخير ..
طبعاً وصفة اليوم سهلة لأبعد ما يكون .. يعني ما يحتاج لها بصل و حوسة
راح تحتاجي /
* صحن من صدور الدجاج (500 جرام) .
* كوبين كورن فليكس مجروش .
* تقريباً كوبين من الطحين .
* بيضتين .
* ملعقة صغيرة ملح .
* ملعقة صغيرة كمّون .
* ملعقة صغيرة فلفل أسود .
———–
للرز .. راح تحتاجي /
* كوبين من رز الشعلان .
* 600 مل ماء .
* ملعقتين طعام (ممسوحة) سمن .
* حبتين فلفل أخضر .
* نص ملعقة صغيرة زعفران .
* 6 حبات هيل .
———–
للتزيين /
- حبة فلفل رومي صغيرة .
- كاتشب .
::::::::::::::::::::::::::::::::::::::::::::::
- أول شي .. حنقطّع صدور الدجاج لِـ شرايح عريضة و طويلة .. و نتبّلها بالـ( الفلفل الأسود + الملح + الكمّون ) ..
- نخفق البيض وُ نجهز الطحين و الكورن فليكس .. نغمّس قطع صدور الدجاج بالترتيب ..
في الطحين .. بعدين في البيض .. و نقلّبها في الكورن فليكس لين ما تتغطّى ..
- بعد ما نخلص كل الكمية .. (طبعاً يمكن تحتاجي تزيدي كمية الكورن فليكس و الطحين حسب تقطيعك لصدور الدجاج) .. نحمّي مقدار من الزيت للقلي .. و ننتظره يسخن ..
- بعد ما يسخن الزيت .. نبدأ نقلي صدور الدجاج .. لحد ما تتحمّر نرفعها عن الزيت ..
نجي للرز /
- في قدر .. نصفّي الرز (اللي نحطه قبلها بِـ شوية مويا) و نحطه في القدر مع السمن ..
نقلّب لمدة دقيقتين ..
- نضيف حبات الفلفل و الهيل و مقدار المويا .. و نقلّب ..
- نرفع حبات الفلفل من القدر .. تقريباً نخلّيها دقيقة بس عشان ياخد الرز الطعم ..
- نضيف الزعفران .. نقلّب .. و نغطّي القدر ..
- نترك الرز يستوي ..
النتيجة النهائية /
استسهلتوها ؟ .. لمن تجربوها حتحسوا بسهولتها فعلاً .. و طعمها اللذيذ
بالعَافية <
|
 |
.
رد مع اقتباس
المشاركة الأصلية كتبت بواسطة أبحر بأفكآري ~
