قصيدة قوية لطاش ماطاش

**احلاهم واتحداهم** · 19 -11- 2006, 04:30 PM

قصيدة خرجت من قلب شاعر غيور على دينه وعلماءه ومن تمسك فيه , نحسبه كذلك والله حسيبه
وجهها إلى سفهاء وفجرة طاش ما طاش الذين تمادوا في الاستهزاء حتى بلغ استهزاؤهم بالله عز وجل ودينه وسنة نبيه صلى الله عليه وسلم , ألا جازاهم الله بما يستحقون
أترككم مع القصيدة :

للشاعر نايف بن عروين

البارحة كن الفضاء غرفة انعاش= وانا المريض الي حياته كسيفه
والهم ذيب ٍ للمعاليق عراش=والقلب شيخ ٍ واعضم الحزن ضيفه
واليا نشدني واحدٍ قلتله ماش=مابه جديدٍ للقديم بنضيفه
ياليتها ضيق ٍ فالأرزاق واعتاش=اعتاش لو ما القى بعمري وضيفه
وليت السبب حب ٍ للأطراف رعاش=كم ٍ وليف ٍ ماحصله وليفه
مير البلا لاشفت للدين نهاش=امن النفوس الحاقدات الضعيفه
ومن عادتي لا جبتها جبتها كاش=والي زعل يزعل على كيف كيفه
هذا جوابٍ عاجل لطاش ماطاش=يخزي وجه ناصر ويخزي حليفه
مانقبل الصوره بتفكير حشاش=لأهل القلوب الطاهرات الشريفه
لا عاش من يشتم هل الدين لا عاش=ولا عاش من يشهر على الدين سيفه
ذولا هل التوحيد يالغادر الغاش=ريفك وريف الي خذا الوقت ريفه
اقلوبهم بيضا وابيض من الشاش=وافعالهم عند المعادي كليفه
ذولا رجال الدين ياكلب الاحواش=الله مكرمهم بمله حنيفه
ولا انت ضايع بايع الدين ببلاش=بصيرتك بين البصاير كفيفه
بكره ليا جتك المنيه على فراش=ومرت حياتك قدم عينك عصيفه
وحسيت في روحك تراقى مع الجاش=ودموع عينك فوق خدك ذريفه
عرفت بأنك مرتكيلك على قشاش=وانك ضلمت اهل القلوب النضيفه
في وقتها مالك من الموت منحاش=بيحاسبك راع العدل والنصيفه
ولحدن بمرمش لا توفيت برماش=جيفه ومن يبكي من الناس جيفه؟
ان عشت يا خفاش وان مت خفاش=مايفقدك غير العقول الخفيفه
وختامها ماني بجايك برشاش=لأنا بحكم اهل السيوف الرهيفه
مير افهم الموضوع ياطاش ماطاش=واترك تفاهات اليهود السخيفه

--------------------------------------------------------------------------------